ଗଣେଶ ମହିମ୍ନା ସ୍ତୋତ୍ରମ୍ | Ganesh Mahimna Stotram In Odia

Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.

ଅନିର୍ଵାଚ୍ୟଂ ରୂପଂ ସ୍ତଵନ ନିକରୋ ୟତ୍ର ଗଳିତଃ ତଥା ଵକ୍ଷ୍ୟେ ସ୍ତୋତ୍ରଂ ପ୍ରଥମ ପୁରୁଷସ୍ୟାତ୍ର ମହତଃ ।
ୟତୋ ଜାତଂ ଵିଶ୍ଵସ୍ଥିତିମପି ସଦା ୟତ୍ର ଵିଲୟଃ ସକୀଦୃଗ୍ଗୀର୍ଵାଣଃ ସୁନିଗମ ନୁତଃ ଶ୍ରୀଗଣପତିଃ ॥ 1 ॥

ଗକାରୋ ହେରଂବଃ ସଗୁଣ ଇତି ପୁଂ ନିର୍ଗୁଣମୟୋ ଦ୍ଵିଧାପ୍ୟେକୋଜାତଃ ପ୍ରକୃତି ପୁରୁଷୋ ବ୍ରହ୍ମ ହି ଗଣଃ ।
ସ ଚେଶଶ୍ଚୋତ୍ପତ୍ତି ସ୍ଥିତି ଲୟ କରୋୟଂ ପ୍ରମଥକୋ ୟତୋଭୂତଂ ଭଵ୍ୟଂ ଭଵତି ପତିରୀଶୋ ଗଣପତିଃ ॥ 2 ॥

ଗକାରଃ କଂଠୋର୍ଧ୍ଵଂ ଗଜମୁଖସମୋ ମର୍ତ୍ୟସଦୃଶୋ ଣକାରଃ କଂଠାଧୋ ଜଠର ସଦୃଶାକାର ଇତି ଚ ।
ଅଧୋଭାଵଃ କଟ୍ୟାଂ ଚରଣ ଇତି ହୀଶୋସ୍ୟ ଚ ତମଃ ଵିଭାତୀତ୍ଥଂ ନାମ ତ୍ରିଭୁଵନ ସମଂ ଭୂ ର୍ଭୁଵ ସ୍ସୁଵଃ ॥ 3 ॥

ଗଣାଧ୍ୟକ୍ଷୋ ଜ୍ୟେଷ୍ଠଃ କପିଲ ଅପରୋ ମଂଗଳନିଧିଃ ଦୟାଳୁର୍ହେରଂବୋ ଵରଦ ଇତି ଚିଂତାମଣି ରଜଃ ।
ଵରାନୀଶୋ ଢୁଂଢିର୍ଗଜଵଦନ ନାମା ଶିଵସୁତୋ ମୟୂରେଶୋ ଗୌରୀତନୟ ଇତି ନାମାନି ପଠତି ॥ 4 ॥

ମହେଶୋୟଂ ଵିଷ୍ଣୁଃ ସ କଵି ରଵିରିଂଦୁଃ କମଲଜଃ କ୍ଷିତି ସ୍ତୋୟଂ ଵହ୍ନିଃ ଶ୍ଵସନ ଇତି ଖଂ ତ୍ଵଦ୍ରିରୁଦଧିଃ ।
କୁଜସ୍ତାରଃ ଶୁକ୍ରୋ ପୁରୁରୁଡୁ ବୁଧୋଗୁଚ୍ଚ ଧନଦୋ ୟମଃ ପାଶୀ କାଵ୍ୟଃ ଶନିରଖିଲ ରୂପୋ ଗଣପତିଃ ॥5 ॥

ମୁଖଂ ଵହ୍ନିଃ ପାଦୌ ହରିରସି ଵିଧାତ ପ୍ରଜନନଂ ରଵିର୍ନେତ୍ରେ ଚଂଦ୍ରୋ ହୃଦୟ ମପି କାମୋସ୍ୟ ମଦନ ।
କରୌ ଶୁକ୍ରଃ କଟ୍ୟାମଵନିରୁଦରଂ ଭାତି ଦଶନଂ ଗଣେଶସ୍ୟାସନ୍ ଵୈ କ୍ରତୁମୟ ଵପୁ ଶ୍ଚୈଵ ସକଲମ୍ ॥ 6 ॥

ସିତେ ଭାଦ୍ରେ ମାସେ ପ୍ରତିଶରଦି ମଧ୍ୟାହ୍ନ ସମୟେ ମୃଦୋ ମୂର୍ତିଂ କୃତ୍ଵା ଗଣପତିତିଥୌ ଢୁଂଢି ସଦୃଶୀମ୍ ।
ସମର୍ଚତ୍ୟୁତ୍ସାହଃ ପ୍ରଭଵତି ମହାନ୍ ସର୍ଵସଦନେ ଵିଲୋକ୍ୟାନଂଦସ୍ତାଂ ପ୍ରଭଵତି ନୃଣାଂ ଵିସ୍ମୟ ଇତି ॥7 ॥

ଗଣେଶଦେଵସ୍ୟ ମାହାତ୍ମ୍ୟମେତଦ୍ୟଃ ଶ୍ରାଵୟେଦ୍ଵାପି ପଠେଚ୍ଚ ତସ୍ୟ ।
କ୍ଲେଶା ଲୟଂ ୟାଂତି ଲଭେଚ୍ଚ ଶୀଘ୍ରଂ ଶ୍ରୀପୁତ୍ତ୍ର ଵିଦ୍ୟାର୍ଥି ଗୃହଂ ଚ ମୁକ୍ତିମ୍ ॥ 8 ॥

॥ ଇତି ଶ୍ରୀ ଗଣେଶ ମହିମ୍ନ ସ୍ତୋତ୍ରମ୍ ॥