സൂര്യ മംഡല സ്തോത്രമ് | Surya Mandala Stotram In Malayalam

Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.

നമോഽസ്തു സൂര്യായ സഹസ്രരശ്മയേ
സഹസ്രശാഖാന്വിത സംഭവാത്മനേ ।
സഹസ്രയോഗോദ്ഭവ ഭാവഭാഗിനേ
സഹസ്രസംഖ്യായുധധാരിണേ നമഃ ॥ 1 ॥

യന്മംഡലം ദീപ്തികരം വിശാലം
രത്നപ്രഭം തീവ്രമനാദിരൂപമ് ।
ദാരിദ്ര്യദുഃഖക്ഷയകാരണം ച
പുനാതു മാം തത്സവിതുര്വരേണ്യമ് ॥ 2 ॥

യന്മംഡലം ദേവഗണൈഃ സുപൂജിതം
വിപ്രൈഃ സ്തുതം ഭാവനമുക്തികോവിദമ് ।
തം ദേവദേവം പ്രണമാമി സൂര്യം
പുനാതു മാം തത്സവിതുര്വരേണ്യമ് ॥ 3 ॥

യന്മംഡലം ജ്ഞാനഘനംത്വഗമ്യം
ത്രൈലോക്യപൂജ്യം ത്രിഗുണാത്മരൂപമ് ।
സമസ്തതേജോമയദിവ്യരൂപം
പുനാതു മാം തത്സവിതുര്വരേണ്യമ് ॥ 4 ॥

യന്മംഡലം ഗൂഢമതിപ്രബോധം
ധര്മസ്യ വൃദ്ധിം കുരുതേ ജനാനാമ് ।
യത്സര്വപാപക്ഷയകാരണം ച
പുനാതു മാം തത്സവിതുര്വരേണ്യമ് ॥ 5 ॥

യന്മംഡലം വ്യാധിവിനാശദക്ഷം
യദൃഗ്യജുഃ സാമസു സംപ്രഗീതമ് ।
പ്രകാശിതം യേന ച ഭൂര്ഭുവഃ സ്വഃ
പുനാതു മാം തത്സവിതുര്വരേണ്യമ് ॥ 6 ॥

യന്മംഡലം വേദവിദോ വദംതി
ഗായംതി യച്ചാരണസിദ്ധസംഘാഃ ।
യദ്യോഗിനോ യോഗജുഷാം ച സംഘാഃ
പുനാതു മാം തത്സവിതുര്വരേണ്യമ് ॥ 7 ॥

യന്മംഡലം സര്വജനൈശ്ച പൂജിതം
ജ്യോതിശ്ച കുര്യാദിഹ മര്ത്യലോകേ ।
യത്കാലകാലാദ്യമനാദിരൂപം
പുനാതു മാം തത്സവിതുര്വരേണ്യമ് ॥ 8 ॥

യന്മംഡലം വിഷ്ണുചതുര്മുഖാഖ്യം
യദക്ഷരം പാപഹരം ജനാനാമ് ।
യത്കാലകല്പക്ഷയകാരണം ച
പുനാതു മാം തത്സവിതുര്വരേണ്യമ് ॥ 9 ॥

യന്മംഡലം വിശ്വസൃജം പ്രസിദ്ധം
ഉത്പത്തിരക്ഷപ്രലയ പ്രഗല്ഭമ് ।
യസ്മിന് ജഗത്സംഹരതേഽഖിലം ച
പുനാതു മാം തത്സവിതുര്വരേണ്യമ് ॥ 10 ॥

യന്മംഡലം സര്വഗതസ്യ വിഷ്ണോഃ
ആത്മാ പരം‍ധാമ വിശുദ്ധതത്ത്വമ് ।
സൂക്ഷ്മാംതരൈര്യോഗപഥാനുഗമ്യം
പുനാതു മാം തത്സവിതുര്വരേണ്യമ് ॥ 11 ॥

യന്മംഡലം വേദവിദോപഗീതം
യദ്യോഗിനാം യോഗ പഥാനുഗമ്യമ് ।
തത്സര്വ വേദ്യം പ്രണമാമി സൂര്യം
പുനാതു മാം തത്സവിതുര്വരേണ്യമ് ॥ 12 ॥

സൂര്യമംഡലസു സ്തോത്രം യഃ പഠേത്സതതം നരഃ ।
സര്വപാപവിശുദ്ധാത്മാ സൂര്യലോകേ മഹീയതേ ॥

ഇതി ശ്രീ ഭവിഷ്യോത്തരപുരാണേ ശ്രീ കൃഷ്ണാര്ജുന സംവാദേ സൂര്യമംഡല സ്തോത്രമ് ।