നാസദീയ സൂക്തമ് | Nasadiya Sukta In Malayalam
Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.
(ഋ.10.129)
നാസ॑ദാസീ॒ന്നോ സദാ॑സീത്ത॒ദാനീം॒ നാസീ॒ദ്രജോ॒ നോ വ്യോ॑മാ പ॒രോ യത് ।
കിമാവ॑രീവഃ॒ കുഹ॒ കസ്യ॒ ശര്മ॒ന്നംഭഃ॒ കിമാ॑സീ॒ദ്ഗഹ॑നം ഗഭീ॒രമ് ॥ 1 ॥
ന മൃ॒ത്യുരാ॑സീദ॒മൃതം॒ ന തര്ഹി॒ ന രാത്ര്യാ॒ അഹ്ന॑ ആസീത്പ്രകേ॒തഃ ।
ആനീ॑ദവാ॒തം സ്വ॒ധയാ॒ തദേകം॒ തസ്മാ॑ദ്ധാ॒ന്യന്ന പ॒രഃ കിം ച॒നാസ॑ ॥ 2 ॥
തമ॑ ആസീ॒ത്തമ॑സാ ഗൂ॒ല്ഹമഗ്രേ॑ഽപ്രകേ॒തം സ॑ലി॒ലം സര്വ॑മാ ഇ॒ദമ് ।
തു॒ച്ഛ്യേനാ॒ഭ്വപി॑ഹിതം॒-യഁദാസീ॒ത്തപ॑സ॒സ്തന്മ॑ഹി॒നാജാ॑യ॒തൈക॑മ് ॥ 3 ॥
കാമ॒സ്തദഗ്രേ॒ സമ॑വര്ത॒താധി॒ മന॑സോ॒ രേതഃ॑ പ്രഥ॒മം-യഁദാസീ॑ത് ।
സ॒തോ ബംധു॒മസ॑തി॒ നിര॑വിംദന് ഹൃ॒ദി പ്ര॒തീഷ്യാ॑ ക॒വയോ॑ മനീ॒ഷാ ॥ 4 ॥
തി॒ര॒ശ്ചീനോ॒ വിത॑തോ ര॒ശ്മിരേ॑ഷാമ॒ധഃ സ്വി॑ദാ॒സീ 3 ദു॒പരി॑ സ്വിദാസീ 3 ത് ।
രേ॒തോ॒ധാ ആ॑സന്മഹി॒മാന॑ ആസംത്സ്വ॒ധാ അ॒വസ്താ॒ത്പ്രയ॑തിഃ പ॒രസ്താ॑ത് ॥ 5 ॥
കോ അ॒ദ്ധാ വേ॑ദ॒ ക ഇ॒ഹ പ്ര വോ॑ച॒ത്കുത॒ ആജാ॑താ॒ കുത॑ ഇ॒യം-വിഁസൃ॑ഷ്ടിഃ ।
അ॒ര്വാഗ്ദേ॒വാ അ॒സ്യ വി॒സര്ജ॑നേ॒നാഥാ॒ കോ വേ॑ദ॒ യത॑ ആബ॒ഭൂവ॑ ॥ 6 ॥
ഇ॒യം-വിഁസൃ॑ഷ്ടി॒ര്യത॑ ആബ॒ഭൂവ॒ യദി॑ വാ ദ॒ധേ യദി॑ വാ॒ ന ।
യോ അ॒സ്യാധ്യ॑ക്ഷഃ പര॒മേ വ്യോ॑മം॒ത്സോ അം॒ഗ വേ॑ദ॒ യദി॑ വാ॒ ന വേദ॑ ॥ 7 ॥