ഗുരു പാദുകാ സ്തോത്രമ് | Guru Paduka Stotram In Malayalam
Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.
അനംതസംസാര സമുദ്രതാര നൌകായിതാഭ്യാം ഗുരുഭക്തിദാഭ്യാമ് ।
വൈരാഗ്യസാമ്രാജ്യദപൂജനാഭ്യാം നമോ നമഃ ശ്രീഗുരുപാദുകാഭ്യാമ് ॥ 1 ॥
കവിത്വവാരാശിനിശാകരാഭ്യാം ദൌര്ഭാഗ്യദാവാം ബുദമാലികാഭ്യാമ് ।
ദൂരികൃതാനമ്ര വിപത്തതിഭ്യാം നമോ നമഃ ശ്രീഗുരുപാദുകാഭ്യാമ് ॥ 2 ॥
നതാ യയോഃ ശ്രീപതിതാം സമീയുഃ കദാചിദപ്യാശു ദരിദ്രവര്യാഃ ।
മൂകാശ്ര്ച വാചസ്പതിതാം ഹി താഭ്യാം നമോ നമഃ ശ്രീഗുരുപാദുകാഭ്യാമ് ॥ 3 ॥
നാലീകനീകാശ പദാഹൃതാഭ്യാം നാനാവിമോഹാദി നിവാരികാഭ്യാമ് ।
നമജ്ജനാഭീഷ്ടതതിപ്രദാഭ്യാം നമോ നമഃ ശ്രീഗുരുപാദുകാഭ്യാമ് ॥ 4 ॥
നൃപാലി മൌലിവ്രജരത്നകാംതി സരിദ്വിരാജത് ഝഷകന്യകാഭ്യാമ് ।
നൃപത്വദാഭ്യാം നതലോകപംകതേ: നമോ നമഃ ശ്രീഗുരുപാദുകാഭ്യാമ് ॥ 5 ॥
പാപാംധകാരാര്ക പരംപരാഭ്യാം താപത്രയാഹീംദ്ര ഖഗേശ്ര്വരാഭ്യാമ് ।
ജാഡ്യാബ്ധി സംശോഷണ വാഡവാഭ്യാം നമോ നമഃ ശ്രീഗുരുപാദുകാഭ്യാമ് ॥ 6 ॥
ശമാദിഷട്ക പ്രദവൈഭവാഭ്യാം സമാധിദാന വ്രതദീക്ഷിതാഭ്യാമ് ।
രമാധവാംധ്രിസ്ഥിരഭക്തിദാഭ്യാം നമോ നമഃ ശ്രീഗുരുപാദുകാഭ്യാമ് ॥ 7 ॥
സ്വാര്ചാപരാണാം അഖിലേഷ്ടദാഭ്യാം സ്വാഹാസഹായാക്ഷധുരംധരാഭ്യാമ് ।
സ്വാംതാച്ഛഭാവപ്രദപൂജനാഭ്യാം നമോ നമഃ ശ്രീഗുരുപാദുകാഭ്യാമ് ॥ 8 ॥
കാമാദിസര്പ വ്രജഗാരുഡാഭ്യാം വിവേകവൈരാഗ്യ നിധിപ്രദാഭ്യാമ് ।
ബോധപ്രദാഭ്യാം ദൃതമോക്ഷദാഭ്യാം നമോ നമഃ ശ്രീഗുരുപാദുകാഭ്യാമ് ॥ 9 ॥