શિવ તાંડવ સ્તોત્ર | Shiv Tandav Stotram In Gujarati
Also Read This In:- Bengali, English, Hindi, Kannada, Marathi, Malayalam, Odia, Punjabi, Sanskrit, Tamil, Telugu.
જટા ટવી ગલજ્વલ પ્રવાહપા વિતસ્થલે
ગલેવ લંબ્ય લંબિતાં ભુજંગ તુંગ માલિકામ્ ।
ડમ ડ્ડમ ડ્ડમ ડ્ડમન્નિનાદ વડ્ડ મર્વયં
ચકાર ચંડ તાંડવં તનોતુ નઃ શિવઃ શિવમ્ ॥ 1 ॥
જટા કટાહ સંભ્રમ ભ્રમન્નિ લિંપનિર્ઝરી-
-વિલો લવી ચિવલ્લરી વિરાજ માનમૂર્ધનિ ।
ધગ દ્ધગ દ્ધગ જ્જ્વલ લ્લલાટ પટ્ટપાવકે
કિશોર ચંદ્રશેખરે રતિઃ પ્રતિક્ષણં મમ ॥ 2 ॥
ધરા ધરેંદ્રનંદિની વિલાસ બંધુ બંધુર
સ્ફુર દ્દિગંત સંતતિ પ્રમોદ માન માનસે ।
કૃપા કટાક્ષ ધોરણી નિરુદ્ધ દુર્ધરાપદિ
ક્વચિ દ્દિગંબરે મનો વિનોદ મેતુ વસ્તુનિ ॥ 3 ॥
જટા ભુજંગ પિંગળ સ્ફુરત્ફણા મણિપ્રભા
કદંબ કુંકુમદ્રવ પ્રલિપ્ત દિગ્વધૂમુખે ।
મદાંધ સિંધુરસ્ફુર ત્ત્વગુત્તરીય મેદુરે
મનો વિનોદમદ્ભુતં બિભર્તુ ભૂતભર્તરિ ॥ 4 ॥
સહસ્ર લોચન પ્રભૃત્ય શેષ લેખ શેખર
પ્રસૂન ધૂળિ ધોરણી વિધૂ સરાંઘ્રિ પીઠભૂઃ ।
ભુજંગ રાજ માલયા નિબદ્ધ જાટજૂટક
શ્રિયૈ ચિરાય જાયતાં ચકોરબંધુશેખરઃ ॥ 5 ॥
લલાટ ચત્વર જ્વલ દ્ધનંજય સ્ફુલિંગભા-
-નિપીત પંચસાયકં નમન્નિ લિંપનાયકમ્ ।
સુધા મયૂખ લેખયા વિરાજ માનશેખરં
મહાકપાલિ સંપદે શિરોજટાલ મસ્તુ નઃ ॥ 6 ॥
કરાલ ભાલપટ્ટિકા ધગ દ્ધગ દ્ધગજ્જ્વલ-
દ્ધનંજયાધરીકૃત પ્રચંડ પંચસાયકે ।
ધરા ધરેંદ્ર નંદિની કુચાગ્ર ચિત્રપત્રક-
-પ્રકલ્પનૈક શિલ્પિનિ ત્રિલોચને મતિર્મમ ॥ 7 ॥
નવીન મેઘમંડલી નિરુદ્ધ દુર્ધર સ્ફુરત્-
કુહૂ નિશીથિનીતમઃ પ્રબંધ બંધુકંધરઃ ।
નિલિંપ નિર્ઝરી ધરસ્તનોતુ કૃત્તિસિંધુરઃ
કલા નિધાનબંધુરઃ શ્રિયં જગ ધૂરંધરઃ ॥ 8 ॥
પ્રફુલ્લ નીલ પંકજ પ્રપંચ કાલિમ પ્રભા-
-વિલંબિ કંઠકંદલી રુચિપ્રબદ્ધ કંધરમ્ ।
સ્મરચ્છિદં પુરચ્છિદં ભવચ્છિદં મખચ્છિદં
ગજચ્છિ દાંધકચ્છિદં તમંત કચ્છિદં ભજે ॥ 9 ॥
અખર્વ સર્વમંગળા કલા કદંબમંજરી
રસપ્રવાહમાધુરી વિજૃંભણા મધુવ્રતમ્ ।
સ્મરાંતકં પુરાંતકં ભવાંતકં મખાંતકં
ગજાંત કાંધ કાંતકં તમંત કાંતકં ભજે ॥ 10 ॥
જયત્વદ ભ્રવિભ્રમ ભ્રમદ્ભુજંગ મશ્વસ-
-દ્વિનિર્ગમત્ક્રમસ્ફુર ત્કરાલભાલહવ્યવાટ્ ।
ધિમિ દ્ધિમિ દ્ધિમિ ધ્વનન્મૃદંગતુંગ મંગળ
ધ્વનિ ક્રમપ્રવર્તિત પ્રચંડતાંડવઃ શિવઃ ॥ 11 ॥
દૃષદ્વિ ચિત્રતલ્પયો ર્ભુજંગ મૌક્તિકસ્રજોર્-
-ગરિષ્ઠ રત્ન લોષ્ઠયોઃ સુહૃદ્વિપક્ષ પક્ષયોઃ ।
તૃષ્ણાર વિંદચક્ષુષોઃ પ્રજામહી મહેંદ્રયોઃ
સમં પ્રવર્તયન્મનઃ કદા સદાશિવં ભજે ॥ 12 ॥
કદા નિલિંપ નિર્ઝરી નિકુંજકોટરે વસન્
વિમુક્ત દુર્મતિઃ સદા શિરઃસ્થમંજલિં વહન્ ।
વિમુક્તલોલલોચનો લલાટ ભાલલગ્નકઃ
શિવેતિ મંત્રમુચ્ચરન્ સદા સુખી ભવામ્યહમ્ ॥ 13 ॥
ઇમં હિ નિત્યમેવ મુક્ત મુક્ત મોત્તમંસ્તવં
પઠન્સ્મરં બ્રુવન્નરો વિશુદ્ધિ મેતિસંતતમ્ ।
હરે ગુરૌ સુભક્તિમાશુ યાતિ નાન્યથા ગતિં
વિમોહનં હિ દેહિનાં સુશંકરસ્ય ચિંતનમ્ ॥ 14 ॥
પૂજાવસાનસમયે દશવક્ત્રગીતં યઃ
શંભુપૂજન પરં પઠતિ પ્રદોષે ।
તસ્ય સ્થિરાં રથગજેંદ્ર તુરંગયુક્તાં
લક્ષ્મીં સદૈવ સુમુખિં પ્રદદાતિ શંભુઃ ॥ 15 ॥