નરસિંહ અષ્ટકમ્ | Narasimha Ashtakam In Gujarati
Also Read This In:- Bengali, English, Hindi, Kannada, Malayalam, Marathi, Odia, Punjabi, Sanskrit, Tamil, Telugu.
શ્રીમદકલંક પરિપૂર્ણ શશિકોટિ-
શ્રીધર મનોહર સટાપટલ કાંત।
પાલય કૃપાલય ભવાંબુધિ-નિમગ્નં
દૈત્યવરકાલ નરસિંહ નરસિંહ ॥ 1 ॥
પાદકમલાવનત પાતકિ-જનાનાં
પાતકદવાનલ પતત્રિવર-કેતો।
ભાવન પરાયણ ભવાર્તિહરયા માં
પાહિ કૃપયૈવ નરસિંહ નરસિંહ ॥ 2 ॥
તુંગનખ-પંક્તિ-દલિતાસુર-વરાસૃક્
પંક-નવકુંકુમ-વિપંકિલ-મહોરઃ ।
પંડિતનિધાન-કમલાલય નમસ્તે
પંકજનિષણ્ણ નરસિંહ નરસિંહ ॥ 3 ॥
મૌલિષુ વિભૂષણમિવામર વરાણાં
યોગિહૃદયેષુ ચ શિરસ્સુનિગમાનામ્ ।
રાજદરવિંદ-રુચિરં પદયુગં તે
દેહિ મમ મૂર્ધ્નિ નરસિંહ નરસિંહ ॥ 4 ॥
વારિજવિલોચન મદંતિમ-દશાયાં
ક્લેશ-વિવશીકૃત-સમસ્ત-કરણાયામ્ ।
એહિ રમયા સહ શરણ્ય વિહગાનાં
નાથમધિરુહ્ય નરસિંહ નરસિંહ ॥ 5 ॥
હાટક-કિરીટ-વરહાર-વનમાલા
ધારરશના-મકરકુંડલ-મણીંદ્રૈઃ ।
ભૂષિતમશેષ-નિલયં તવ વપુર્મે
ચેતસિ ચકાસ્તુ નરસિંહ નરસિંહ ॥ 6 ॥
ઇંદુ રવિ પાવક વિલોચન રમાયાઃ
મંદિર મહાભુજ-લસદ્વર-રથાંગ।
સુંદર ચિરાય રમતાં ત્વયિ મનો મે
નંદિત સુરેશ નરસિંહ નરસિંહ ॥ 7 ॥
માધવ મુકુંદ મધુસૂદન મુરારે
વામન નૃસિંહ શરણં ભવ નતાનામ્ ।
કામદ ઘૃણિન્ નિખિલકારણ નયેયં
કાલમમરેશ નરસિંહ નરસિંહ ॥ 8 ॥
અષ્ટકમિદં સકલ-પાતક-ભયઘ્નં
કામદં અશેષ-દુરિતામય-રિપુઘ્નમ્ ।
યઃ પઠતિ સંતતમશેષ-નિલયં તે
ગચ્છતિ પદં સ નરસિંહ નરસિંહ ॥ 9 ॥