શ્રી ભૂ વરાહ સ્તોત્રમ્ | Bhu Varaha Stotram In Gujarati

Also Read This In:- Bengali, English, Hindi, Kannada, Marathi, Malayalam, Odia, Punjabi, Sanskrit, Tamil, Telugu.

ઋષય ઊચુ ।

જિતં જિતં તેઽજિત યજ્ઞભાવના
ત્રયીં તનૂં સ્વાં પરિધુન્વતે નમઃ ।
યદ્રોમગર્તેષુ નિલિલ્યુરધ્વરાઃ
તસ્મૈ નમઃ કારણસૂકરાય તે ॥ 1 ॥

રૂપં તવૈતન્નનુ દુષ્કૃતાત્મનાં
દુર્દર્શનં દેવ યદધ્વરાત્મકમ્ ।
છંદાંસિ યસ્ય ત્વચિ બર્હિરોમ-
સ્સ્વાજ્યં દૃશિ ત્વંઘ્રિષુ ચાતુર્હોત્રમ્ ॥ 2 ॥

સ્રુક્તુંડ આસીત્સ્રુવ ઈશ નાસયો-
રિડોદરે ચમસાઃ કર્ણરંધ્રે ।
પ્રાશિત્રમાસ્યે ગ્રસને ગ્રહાસ્તુ તે
યચ્ચર્વણંતે ભગવન્નગ્નિહોત્રમ્ ॥ 3 ॥

દીક્ષાનુજન્મોપસદઃ શિરોધરં
ત્વં પ્રાયણીયો દયનીય દંષ્ટ્રઃ ।
જિહ્વા પ્રવર્ગ્યસ્તવ શીર્ષકં ક્રતોઃ
સભ્યાવસથ્યં ચિતયોઽસવો હિ તે ॥ 4 ॥

સોમસ્તુ રેતઃ સવનાન્યવસ્થિતિઃ
સંસ્થાવિભેદાસ્તવ દેવ ધાતવઃ ।
સત્રાણિ સર્વાણિ શરીરસંધિ-
સ્ત્વં સર્વયજ્ઞક્રતુરિષ્ટિબંધનઃ ॥ 5 ॥

નમો નમસ્તેઽખિલયંત્રદેવતા
દ્રવ્યાય સર્વક્રતવે ક્રિયાત્મને ।
વૈરાગ્ય ભક્ત્યાત્મજયાઽનુભાવિત
જ્ઞાનાય વિદ્યાગુરવે નમો નમઃ ॥ 6 ॥

દંષ્ટ્રાગ્રકોટ્યા ભગવંસ્ત્વયા ધૃતા
વિરાજતે ભૂધર ભૂસ્સભૂધરા ।
યથા વનાન્નિસ્સરતો દતા ધૃતા
મતંગજેંદ્રસ્ય સ પત્રપદ્મિની ॥ 7 ॥

ત્રયીમયં રૂપમિદં ચ સૌકરં
ભૂમંડલે નાથ તદા ધૃતેન તે ।
ચકાસ્તિ શૃંગોઢઘનેન ભૂયસા
કુલાચલેંદ્રસ્ય યથૈવ વિભ્રમઃ ॥ 8 ॥

સંસ્થાપયૈનાં જગતાં સતસ્થુષાં
લોકાય પત્નીમસિ માતરં પિતા ।
વિધેમ ચાસ્યૈ નમસા સહ ત્વયા
યસ્યાં સ્વતેજોઽગ્નિમિવારણાવધાઃ ॥ 9 ॥

કઃ શ્રદ્ધધીતાન્યતમસ્તવ પ્રભો
રસાં ગતાયા ભુવ ઉદ્વિબર્હણમ્ ।
ન વિસ્મયોઽસૌ ત્વયિ વિશ્વવિસ્મયે
યો માયયેદં સસૃજેઽતિ વિસ્મયમ્ ॥ 10 ॥

વિધુન્વતા વેદમયં નિજં વપુ-
ર્જનસ્તપઃ સત્યનિવાસિનો વયમ્ ।
સટાશિખોદ્ધૂત શિવાંબુબિંદુભિ-
ર્વિમૃજ્યમાના ભૃશમીશ પાવિતાઃ ॥ 11 ॥

સ વૈ બત ભ્રષ્ટમતિસ્તવૈષ તે
યઃ કર્મણાં પારમપારકર્મણઃ ।
યદ્યોગમાયા ગુણ યોગ મોહિતં
વિશ્વં સમસ્તં ભગવન્ વિધેહિ શમ્ ॥ 12 ॥

ઇતિ શ્રીમદ્ભાગવતે મહાપુરાણે તૃતીયસ્કંધે શ્રી વરાહ પ્રાદુર્ભાવોનામ ત્રયોદશોધ્યાયઃ ।