শিবাপরাধ ক্ষমাপণ স্তোত্রম্ | Shiv Aparadha Kshamapana Stotram In Bengali

Also Read This In:- English, Gujarati, Hindi, Kannada, Malayalam, Marathi, Odia, Punjabi, Sanskrit, Tamil, Telugu.

আদৌ কর্মপ্রসংগাত্কলযতি কলুষং মাতৃকুক্ষৌ স্থিতং মাং
বিণ্মূত্রামেধ্যমধ্যে ক্বথযতি নিতরাং জাঠরো জাতবেদাঃ ।
যদ্যদ্বৈ তত্র দুঃখং ব্যথযতি নিতরাং শক্যতে কেন বক্তুং
ক্ষংতব্যো মেঽপরাধঃ শিব শিব শিব ভো শ্রীমহাদেব শংভো ॥ 1॥

বাল্যে দুঃখাতিরেকো মললুলিতবপুঃ স্তন্যপানে পিপাসা
নো শক্তশ্চেংদ্রিযেভ্যো ভবগুণজনিতাঃ জংতবো মাং তুদংতি ।
নানারোগাদিদুঃখাদ্রুদনপরবশঃ শংকরং ন স্মরামি
ক্ষংতব্যো মেঽপরাধঃ শিব শিব শিব ভো শ্রীমহাদেব শংভো ॥ 2॥

প্রৌঢোঽহং যৌবনস্থো বিষযবিষধরৈঃ পংচভির্মর্মসংধৌ
দষ্টো নষ্টো বিবেকঃ সুতধনযুবতিস্বাদুসৌখ্যে নিষণ্ণঃ ।
শৈবীচিংতাবিহীনং মম হৃদযমহো মানগর্বাধিরূঢং
ক্ষংতব্যো মেঽপরাধঃ শিব শিব শিব ভো শ্রীমহাদেব শংভো ॥ 3॥

বার্ধক্যে চেংদ্রিযাণাং বিগতগতিমতিশ্চাধিদৈবাদিতাপৈঃ
পাপৈ রোগৈর্বিযোগৈস্ত্বনবসিতবপুঃ প্রৌঢহীনং চ দীনম্ ।
মিথ্যামোহাভিলাষৈর্ভ্রমতি মম মনো ধূর্জটের্ধ্যানশূন্যং
ক্ষংতব্যো মেঽপরাধঃ শিব শিব শিব ভো শ্রীমহাদেব শংভো ॥ 4॥

স্নাত্বা প্রত্যূষকালে স্নপনবিধিবিধৌ নাহৃতং গাংগতোযং
পূজার্থং বা কদাচিদ্বহুতরগহনাত্খংডবিল্বীদলানি ।
নানীতা পদ্মমালা সরসি বিকসিতা গংধধূপৈঃ ত্বদর্থং
ক্ষংতব্যো মেঽপরাধঃ শিব শিব শিব ভো শ্রীমহাদেব শংভো ॥ 5॥

দুগ্ধৈর্মধ্বাজ্যযুক্তৈর্দধিসিতসহিতৈঃ স্নাপিতং নৈব লিংগং
নো লিপ্তং চংদনাদ্যৈঃ কনকবিরচিতৈঃ পূজিতং ন প্রসূনৈঃ ।
ধূপৈঃ কর্পূরদীপৈর্বিবিধরসযুতৈর্নৈব ভক্ষ্যোপহারৈঃ
ক্ষংতব্যো মেঽপরাধঃ শিব শিব শিব ভো শ্রীমহাদেব শংভো ॥ 6॥

নো শক্যং স্মার্তকর্ম প্রতিপদগহনপ্রত্যবাযাকুলাখ্যং
শ্রৌতে বার্তা কথং মে দ্বিজকুলবিহিতে ব্রহ্মমার্গানুসারে । বর্ ব্রহ্মমার্গে সুসারে
জ্ঞাতো ধর্মো বিচারৈঃ শ্রবণমননযোঃ কিং নিদিধ্যাসিতব্যং
ক্ষংতব্যো মেঽপরাধঃ শিব শিব শিব ভো শ্রীমহাদেব শংভো ॥ 7॥

ধ্যাত্বা চিত্তে শিবাখ্যং প্রচুরতরধনং নৈব দত্তং দ্বিজেভ্যো
হব্যং তে লক্ষসংখ্যৈর্হুতবহবদনে নার্পিতং বীজমংত্রৈঃ ।
নো তপ্তং গাংগাতীরে ব্রতজপনিযমৈঃ রুদ্রজাপ্যৈর্ন বেদৈঃ
ক্ষংতব্যো মেঽপরাধঃ শিব শিব শিব ভো শ্রীমহাদেব শংভো ॥ 8॥

নগ্নো নিঃসংগশুদ্ধস্ত্রিগুণবিরহিতো ধ্বস্তমোহাংধকারো
নাসাগ্রে ন্যস্তদৃষ্টির্বিদিতভবগুণো নৈব দৃষ্টঃ কদাচিত্ ।
উন্মন্যাঽবস্থযা ত্বাং বিগতকলিমলং শংকরং ন স্মরামি
ক্ষংতব্যো মেঽপরাধঃ শিব শিব শিব ভো শ্রীমহাদেব শংভো ॥ 9॥

স্থিত্বা স্থানে সরোজে প্রণবমযমরুত্কুংভকে (কুংডলে) সূক্ষ্মমার্গে
শাংতে স্বাংতে প্রলীনে প্রকটিতবিভবে জ্যোতিরূপেঽপরাখ্যে ।
লিংগজ্ঞে ব্রহ্মবাক্যে সকলতনুগতং শংকরং ন স্মরামি
ক্ষংতব্যো মেঽপরাধঃ শিব শিব শিব ভো শ্রীমহাদেব শংভো ॥ 10॥

হৃদ্যং বেদাংতবেদ্যং হৃদযসরসিজে দীপ্তমুদ্যত্প্রকাশং
সত্যং শাংতস্বরূপং সকলমুনিমনঃপদ্মষংডৈকবেদ্যম্ ।
জাগ্রত্স্বপ্নে সুষুপ্তৌ ত্রিগুণবিরহিতং শংকরং ন স্মরামি
ক্ষংতব্যো মেঽপরাধঃ শিব শিব শিব ভো শ্রীমহাদেব শংভো ॥ 11॥

চংদ্রোদ্ভাসিতশেখরে স্মরহরে গংগাধরে শংকরে
সর্পৈর্ভূষিতকংঠকর্ণবিবরে নেত্রোত্থবৈশ্বানরে । যুগলে
দংতিত্বক্কৃতসুংদরাংবরধরে ত্রৈলোক্যসারে হরে
মোক্ষার্থং কুরু চিত্তবৃত্তিমচলামন্যৈস্তু কিং কর্মভিঃ ॥ 12॥

কিং বাঽনেন ধনেন বাজিকরিভিঃ প্রাপ্তেন রাজ্যেন কিং
কিং বা পুত্রকলত্রমিত্রপশুভির্দেহেন গেহেন কিম্ ।
জ্ঞাত্বৈতত্ক্ষণভংগুরং সপদি রে ত্যাজ্যং মনো দূরতঃ
স্বাত্মার্থং গুরুবাক্যতো ভজ মন শ্রীপার্বতীবল্লভম্ ॥ 13॥

পৌরোহিত্যং রজনিচরিতং গ্রামণীত্বং নিযোগো
মাঠাপত্যং হ্যনৃতবচনং সাক্ষিবাদঃ পরান্নম্ ।
ব্রহ্মদ্বেষঃ খলজনরতিঃ প্রাণিনাং নির্দযত্বং
মা ভূদেবং মম পশুপতে জন্মজন্মাংতরেষু ॥ 14॥

আযুর্নশ্যতি পশ্যতাং প্রতিদিনং যাতি ক্ষযং যৌবনং
প্রত্যাযাংতি গতাঃ পুনর্ন দিবসাঃ কালো জগদ্ভক্ষকঃ ।
লক্ষ্মীস্তোযতরংগভংগচপলা বিদ্যুচ্চলং জীবিতং
তস্মাত্ত্বাং শরণাগতং শরণদ ত্বং রক্ষ রক্ষাধুনা ॥ 15॥ তস্মান্মাং

বংদে দেবমুমাপতিং সুরগুরুং বংদে জগত্কারণং
বংদে পন্নগভূষণং মৃগধরং বংদে পশূনাং পতিম্ ।
বংদে সূর্যশশাংকবহ্নিনযনং বংদে মুকুংদপ্রিযং
বংদে ভক্তজনাশ্রযং চ বরদং বংদে শিবং শংকরম্ ॥16॥

গাত্রং ভস্মসিতং সিতং চ হসিতং হস্তে কপালং সিতং বর্ স্মিতং চ
খট্বাংগং চ সিতং সিতশ্চ বৃষভঃ কর্ণে সিতে কুংডলে ।
গংগা ফেনসিতা জটা পশুপতেশ্চংদ্রঃ সিতো মূর্ধনি
সোঽযং সর্বসিতো দদাতু বিভবং পাপক্ষযং সর্বদা ॥ 17॥

করচরণকৃতং বাক্কাযজং কর্মজং বা
শ্রবণনযনজং বা মানসং বাঽপরাধম্ ।
বিহিতমবিহিতং বা সর্বমেতত্ক্ষ্মস্ব
শিব শিব করুণাব্ধে শ্রীমহাদেব শংভো ॥ 18॥