শ্রী ভূ বরাহ স্তোত্রম্ | Bhu Varaha Stotram In Bengali
Also Read This In:- English, Gujarati, Hindi, Kannada, Marathi, Malayalam, Odia, Punjabi, Sanskrit, Tamil, Telugu.
ঋষয ঊচু ।
জিতং জিতং তেঽজিত যজ্ঞভাবনা
ত্রযীং তনূং স্বাং পরিধুন্বতে নমঃ ।
যদ্রোমগর্তেষু নিলিল্যুরধ্বরাঃ
তস্মৈ নমঃ কারণসূকরায তে ॥ 1 ॥
রূপং তবৈতন্ননু দুষ্কৃতাত্মনাং
দুর্দর্শনং দেব যদধ্বরাত্মকম্ ।
ছংদাংসি যস্য ত্বচি বর্হিরোম-
স্স্বাজ্যং দৃশি ত্বংঘ্রিষু চাতুর্হোত্রম্ ॥ 2 ॥
স্রুক্তুংড আসীত্স্রুব ঈশ নাসযো-
রিডোদরে চমসাঃ কর্ণরংধ্রে ।
প্রাশিত্রমাস্যে গ্রসনে গ্রহাস্তু তে
যচ্চর্বণংতে ভগবন্নগ্নিহোত্রম্ ॥ 3 ॥
দীক্ষানুজন্মোপসদঃ শিরোধরং
ত্বং প্রাযণীযো দযনীয দংষ্ট্রঃ ।
জিহ্বা প্রবর্গ্যস্তব শীর্ষকং ক্রতোঃ
সভ্যাবসথ্যং চিতযোঽসবো হি তে ॥ 4 ॥
সোমস্তু রেতঃ সবনান্যবস্থিতিঃ
সংস্থাবিভেদাস্তব দেব ধাতবঃ ।
সত্রাণি সর্বাণি শরীরসংধি-
স্ত্বং সর্বযজ্ঞক্রতুরিষ্টিবংধনঃ ॥ 5 ॥
নমো নমস্তেঽখিলযংত্রদেবতা
দ্রব্যায সর্বক্রতবে ক্রিযাত্মনে ।
বৈরাগ্য ভক্ত্যাত্মজযাঽনুভাবিত
জ্ঞানায বিদ্যাগুরবে নমো নমঃ ॥ 6 ॥
দংষ্ট্রাগ্রকোট্যা ভগবংস্ত্বযা ধৃতা
বিরাজতে ভূধর ভূস্সভূধরা ।
যথা বনান্নিস্সরতো দতা ধৃতা
মতংগজেংদ্রস্য স পত্রপদ্মিনী ॥ 7 ॥
ত্রযীমযং রূপমিদং চ সৌকরং
ভূমংডলে নাথ তদা ধৃতেন তে ।
চকাস্তি শৃংগোঢঘনেন ভূযসা
কুলাচলেংদ্রস্য যথৈব বিভ্রমঃ ॥ 8 ॥
সংস্থাপযৈনাং জগতাং সতস্থুষাং
লোকায পত্নীমসি মাতরং পিতা ।
বিধেম চাস্যৈ নমসা সহ ত্বযা
যস্যাং স্বতেজোঽগ্নিমিবারণাবধাঃ ॥ 9 ॥
কঃ শ্রদ্ধধীতান্যতমস্তব প্রভো
রসাং গতাযা ভুব উদ্বিবর্হণম্ ।
ন বিস্মযোঽসৌ ত্বযি বিশ্ববিস্মযে
যো মাযযেদং সসৃজেঽতি বিস্মযম্ ॥ 10 ॥
বিধুন্বতা বেদমযং নিজং বপু-
র্জনস্তপঃ সত্যনিবাসিনো বযম্ ।
সটাশিখোদ্ধূত শিবাংবুবিংদুভি-
র্বিমৃজ্যমানা ভৃশমীশ পাবিতাঃ ॥ 11 ॥
স বৈ বত ভ্রষ্টমতিস্তবৈষ তে
যঃ কর্মণাং পারমপারকর্মণঃ ।
যদ্যোগমাযা গুণ যোগ মোহিতং
বিশ্বং সমস্তং ভগবন্ বিধেহি শম্ ॥ 12 ॥
ইতি শ্রীমদ্ভাগবতে মহাপুরাণে তৃতীযস্কংধে শ্রী বরাহ প্রাদুর্ভাবোনাম ত্রযোদশোধ্যাযঃ ।