ஶ்ரீ ஹயக்³ரீவ ஸ்தோத்ரம் | Hayagreeva Stotram In Tamil

Also Read This In:- Bengali, English, Gujarati, Hindi, Kannada, Malayalam, Marathi, Odia, Punjabi, Sanskrit, Telugu.

ஜ்ஞானானந்த³மயம் தே³வம் நிர்மலஸ்ப²டிகாக்ருதிம்
ஆதா⁴ரம் ஸர்வவித்³யானாம் ஹயக்³ரீவமுபாஸ்மஹே ॥1॥

ஸ்வதஸ்ஸித்³த⁴ம் ஶுத்³த⁴ஸ்ப²டிகமணிபூ⁴ ப்⁴ருத்ப்ரதிப⁴டம்
ஸுதா⁴ஸத்⁴ரீசீபி⁴ர்த்³யுதிபி⁴ரவதா³தத்ரிபு⁴வனம்
அனந்தைஸ்த்ரய்யன்தைரனுவிஹித ஹேஷாஹலஹலம்
ஹதாஶேஷாவத்³யம் ஹயவத³னமீடே³மஹிமஹ: ॥2॥

ஸமாஹாரஸ்ஸாம்னாம் ப்ரதிபத³ம்ருசாம் தா⁴ம யஜுஷாம்
லய: ப்ரத்யூஹானாம் லஹரிவிததிர்போ³தஜ⁴லதே⁴:
கதா²த³ர்பக்ஷுப்⁴யத்கத²ககுலகோலாஹலப⁴வம்
ஹரத்வன்தர்த்⁴வான்தம் ஹயவத³னஹேஷாஹலஹல: ॥3॥

ப்ராசீ ஸன்த்⁴யா காசித³ன்தர்னிஶாயா:
ப்ரஜ்ஞாத்³ருஷ்டே ரஞ்ஜனஶ்ரீரபூர்வா
வக்த்ரீ வேதா³ன் பா⁴து மே வாஜிவக்த்ரா
வாகீ³ஶாக்²யா வாஸுதே³வஸ்ய மூர்தி: ॥4॥

விஶுத்³த⁴விஜ்ஞானக⁴னஸ்வரூபம்
விஜ்ஞானவிஶ்ராணனப³த்³த⁴தீ³க்ஷம்
த³யானிதி⁴ம் தே³ஹப்⁴ருதாம் ஶரண்யம்
தே³வம் ஹயக்³ரீவமஹம் ப்ரபத்³யே ॥5॥

அபௌருஷேயைரபி வாக்ப்ரபஞ்சை:
அத்³யாபி தே பூ⁴திமத்³ருஷ்டபாராம்
ஸ்துவன்னஹம் முக்³த⁴ இதி த்வயைவ
காருண்யதோ நாத² கடாக்ஷணீய: ॥6॥

தா³க்ஷிண்யரம்யா கி³ரிஶஸ்ய மூர்தி:-
தே³வீ ஸரோஜாஸனத⁴ர்மபத்னீ
வ்யாஸாத³யோபி வ்யபதே³ஶ்யவாச:
ஸ்பு²ரன்தி ஸர்வே தவ ஶக்திலேஶை: ॥7॥

மன்தோ³ப⁴விஷ்யன்னியதம் விரிஞ்ச:
வாசாம் நிதே⁴ர்வாஞ்சி²தபா⁴க³தே⁴ய:
தை³த்யாபனீதான் த³யயைன பூ⁴யோபி
அத்⁴யாபயிஷ்யோ நிக³மான்னசேத்த்வம் ॥8॥

விதர்கடோ³லாம் வ்யவதூ⁴ய ஸத்த்வே
ப்³ருஹஸ்பதிம் வர்தயஸே யதஸ்த்வம்
தேனைவ தே³வ த்ரிதே³ஶேஶ்வராணா
அஸ்ப்ருஷ்டடோ³லாயிதமாதி⁴ராஜ்யம் ॥9॥

அக்³னௌ ஸமித்³தா⁴ர்சிஷி ஸப்ததன்தோ:
ஆதஸ்தி²வான்மன்த்ரமயம் ஶரீரம்
அக²ண்ட³ஸாரைர்ஹவிஷாம் ப்ரதா³னை:
ஆப்யாயனம் வ்யோமஸதா³ம் வித⁴த்ஸே ॥1௦॥

யன்மூல மீத்³ருக்ப்ரதிபா⁴தத்த்வம்
யா மூலமாம்னாயமஹாத்³ருமாணாம்
தத்த்வேன ஜானந்தி விஶுத்³த⁴ஸத்த்வா:
த்வாமக்ஷராமக்ஷரமாத்ருகாம் த்வாம் ॥11॥

அவ்யாக்ருதாத்³வ்யாக்ருதவானஸி த்வம்
நாமானி ரூபாணி ச யானி பூர்வம்
ஶம்ஸன்தி தேஷாம் சரமாம் ப்ரதிஷ்டா²ம்
வாகீ³ஶ்வர த்வாம் த்வது³பஜ்ஞவாச: ॥12॥

முக்³தே⁴ன்து³னிஷ்யன்த³விலோப⁴னீயாம்
மூர்திம் தவானந்த³ஸுதா⁴ப்ரஸூதிம்
விபஶ்சிதஶ்சேதஸி பா⁴வயன்தே
வேலாமுதா³ராமிவ து³க்³த⁴ ஸின்தோ⁴: ॥13॥

மனோக³தம் பஶ்யதி யஸ்ஸதா³ த்வாம்
மனீஷிணாம் மானஸராஜஹம்ஸம்
ஸ்வயம்புரோபா⁴வவிவாத³பா⁴ஜ:
கிங்குர்வதே தஸ்ய கி³ரோ யதா²ர்ஹம் ॥14॥

அபி க்ஷணார்த⁴ம் கலயன்தி யே த்வாம்
ஆப்லாவயன்தம் விஶதை³ர்மயூகை²:
வாசாம் ப்ரவாஹைரனிவாரிதைஸ்தே
மன்தா³கினீம் மன்த³யிதும் க்ஷமன்தே ॥15॥

ஸ்வாமின்ப⁴வத்³த்³யானஸுதா⁴பி⁴ஷேகாத்
வஹன்தி த⁴ன்யா: புலகானுப³ன்த³ம்
அலக்ஷிதே க்வாபி நிரூட⁴ மூலம்
அங்க்³வேஷ்வி வானந்த³து²மங்குரன்தம் ॥16॥

ஸ்வாமின்ப்ரதீசா ஹ்ருத³யேன த⁴ன்யா:
த்வத்³த்⁴யானசன்த்³ரோத³யவர்த⁴மானம்
அமான்தமானந்த³பயோதி⁴மன்த:
பயோபி⁴ ரக்ஷ்ணாம் பரிவாஹயன்தி ॥17॥

ஸ்வைரானுபா⁴வாஸ் த்வத³தீ⁴னபா⁴வா:
ஸம்ருத்³த⁴வீர்யாஸ்த்வத³னுக்³ரஹேண
விபஶ்சிதோனாத² தரன்தி மாயாம்
வைஹாரிகீம் மோஹனபிஞ்சி²காம் தே ॥18॥

ப்ராங்னிர்மிதானாம் தபஸாம் விபாகா:
ப்ரத்யக்³ரனிஶ்ஶ்ரேயஸஸம்பதோ³ மே
ஸமேதி⁴ஷீரம் ஸ்தவ பாத³பத்³மே
ஸங்கல்பசின்தாமணய: ப்ரணாமா: ॥19॥

விலுப்தமூர்த⁴ன்யலிபிக்ரமாணா
ஸுரேன்த்³ரசூடா³பத³லாலிதானாம்
த்வத³ங்க்⁴ரி ராஜீவரஜ:கணானாம்
பூ⁴யான்ப்ரஸாதோ³ மயி நாத² பூ⁴யாத் ॥2௦॥

பரிஸ்பு²ரன்னூபுரசித்ரபா⁴னு –
ப்ரகாஶனிர்தூ⁴ததமோனுஷங்கா³
பத³த்³வயீம் தே பரிசின்மஹேன்த:
ப்ரபோ³த⁴ராஜீவவிபா⁴தஸன்த்⁴யாம் ॥21॥

த்வத்கிங்கராலங்கரணோசிதானாம்
த்வயைவ கல்பான்தரபாலிதானாம்
மஞ்ஜுப்ரணாத³ம் மணினூபுரம் தே
மஞ்ஜூஷிகாம் வேத³கி³ராம் ப்ரதீம: ॥22॥

ஸஞ்சின்தயாமி ப்ரதிபா⁴த³ஶாஸ்தா²ன்
ஸன்து⁴க்ஷயன்தம் ஸமயப்ரதீ³பான்
விஜ்ஞானகல்பத்³ருமபல்லவாப⁴ம்
வ்யாக்²யானமுத்³ராமது⁴ரம் கரம் தே ॥23॥

சித்தே கரோமி ஸ்பு²ரிதாக்ஷமாலம்
ஸவ்யேதரம் நாத² கரம் த்வதீ³யம்
ஜ்ஞானாம்ருதோத³ஞ்சனலம்படானாம்
லீலாக⁴டீயன்த்ரமிவாஶ்ரிதானாம் ॥24॥

ப்ரபோ³த⁴ஸின்தோ⁴ரருணை: ப்ரகாஶை:
ப்ரவால்த³ஸங்கா⁴தமிவோத்³வஹன்தம்
விபா⁴வயே தே³வ ஸ புஸ்தகம் தே
வாமம் கரம் த³க்ஷிணமாஶ்ரிதானாம் ॥25॥

தமாம் ஸிபி⁴த்த்வாவிஶதை³ர்மயூகை²:
ஸம்ப்ரீணயன்தம் விது³ஷஶ்சகோரான்
நிஶாமயே த்வாம் நவபுண்ட³ரீகே
ஶரத்³க⁴னேசன்த்³ரமிவ ஸ்பு²ரன்தம் ॥26॥

தி³ஶன்து மே தே³வ ஸதா³ த்வதீ³யா:
த³யாதரங்கா³னுசரா: கடாக்ஷா:
ஶ்ரோத்ரேஷு பும்ஸாமம்ருதங்க்ஷரன்தீம்
ஸரஸ்வதீம் ஸம்ஶ்ரிதகாமதே⁴னும் ॥27॥

விஶேஷவித்பாரிஷதே³ஷு நாத²
வித³க்³த⁴கோ³ஷ்டீ² ஸமராங்க³ணேஷு
ஜிகீ³ஷதோ மே கவிதார்கிகேன்த்³ரான்
ஜிஹ்வாக்³ரஸிம்ஹாஸனமப்⁴யுபேயா: ॥28॥

த்வாம் சின்தயன் த்வன்மயதாம் ப்ரபன்ன:
த்வாமுத்³க்³ருணன் ஶப்³த³மயேன தா⁴ம்னா
ஸ்வாமின்ஸமாஜேஷு ஸமேதி⁴ஷீய
ஸ்வச்ச²ன்த³வாதா³ஹவப³த்³த⁴ஶூர: ॥29॥

நானாவிதா⁴னாமக³தி: கலானாம்
ந சாபி தீர்தே²ஷு க்ருதாவதார:
த்⁴ருவம் தவானாத⁴ பரிக்³ரஹாயா:
நவ நவம் பாத்ரமஹம் த³யாயா: ॥3௦॥

அகம்பனீயான்யபனீதிபே⁴தை³:
அலங்க்ருஷீரன் ஹ்ருத³யம் மதீ³யம்
ஶங்கா கல்த³ங்கா பக³மோஜ்ஜ்வலானி
தத்த்வானி ஸம்யஞ்சி தவ ப்ரஸாதா³த் ॥31॥

வ்யாக்²யாமுத்³ராம் கரஸரஸிஜை: புஸ்தகம் ஶங்க³சக்ரே
பி⁴ப்⁴ரத்³பி⁴ன்ன ஸ்ப²டிகருசிரே புண்ட³ரீகே நிஷண்ண: ।
அம்லானஶ்ரீரம்ருதவிஶதை³ரம்ஶுபி⁴: ப்லாவயன்மாம்
ஆவிர்பூ⁴யாத³னக⁴மஹிமாமானஸே வாக³தீ⁴ஶ: ॥32॥

வாக³ர்த²ஸித்³தி⁴ஹேதோ:பட²த ஹயக்³ரீவஸம்ஸ்துதிம் ப⁴க்த்யா
கவிதார்கிககேஸரிணா வேங்கடனாதே²ன விரசிதாமேதாம் ॥33॥