ଗଣେଶ ଅଷ୍ଟକମ୍ | Ganesh Ashtakam In Odia
Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.
ସର୍ଵେ ଉଚୁଃ ।
ୟତୋଽନଂତଶକ୍ତେରନଂତାଶ୍ଚ ଜୀଵା
ୟତୋ ନିର୍ଗୁଣାଦପ୍ରମେୟା ଗୁଣାସ୍ତେ ।
ୟତୋ ଭାତି ସର୍ଵଂ ତ୍ରିଧା ଭେଦଭିନ୍ନଂ
ସଦା ତଂ ଗଣେଶଂ ନମାମୋ ଭଜାମଃ ॥ 1 ॥
ୟତଶ୍ଚାଵିରାସୀଜ୍ଜଗତ୍ସର୍ଵମେତ-
-ତ୍ତଥାବ୍ଜାସନୋ ଵିଶ୍ଵଗୋ ଵିଶ୍ଵଗୋପ୍ତା ।
ତଥେଂଦ୍ରାଦୟୋ ଦେଵସଂଘା ମନୁଷ୍ୟାଃ
ସଦା ତଂ ଗଣେଶଂ ନମାମୋ ଭଜାମଃ ॥ 2 ॥
ୟତୋ ଵହ୍ନିଭାନୂ ଭଵୋ ଭୂର୍ଜଲଂ ଚ
ୟତଃ ସାଗରାଶ୍ଚଂଦ୍ରମା ଵ୍ୟୋମ ଵାୟୁଃ ।
ୟତଃ ସ୍ଥାଵରା ଜଂଗମା ଵୃକ୍ଷସଂଘାଃ
ସଦା ତଂ ଗଣେଶଂ ନମାମୋ ଭଜାମଃ ॥ 3 ॥
ୟତୋ ଦାନଵାଃ କିନ୍ନରା ୟକ୍ଷସଂଘା
ୟତଶ୍ଚାରଣା ଵାରଣାଃ ଶ୍ଵାପଦାଶ୍ଚ ।
ୟତଃ ପକ୍ଷିକୀଟା ୟତୋ ଵୀରୁଧଶ୍ଚ
ସଦା ତଂ ଗଣେଶଂ ନମାମୋ ଭଜାମଃ ॥ 4 ॥
ୟତୋ ବୁଦ୍ଧିରଜ୍ଞାନନାଶୋ ମୁମୁକ୍ଷୋ-
-ର୍ୟତଃ ସଂପଦୋ ଭକ୍ତସଂତୋଷଦାଃ ସ୍ୟୁଃ ।
ୟତୋ ଵିଘ୍ନନାଶୋ ୟତଃ କାର୍ୟସିଦ୍ଧିଃ
ସଦା ତଂ ଗଣେଶଂ ନମାମୋ ଭଜାମଃ ॥ 5 ॥
ୟତଃ ପୁତ୍ରସଂପଦ୍ୟତୋ ଵାଂଛିତାର୍ଥୋ
ୟତୋଽଭକ୍ତଵିଘ୍ନାସ୍ତଥାଽନେକରୂପାଃ ।
ୟତଃ ଶୋକମୋହୌ ୟତଃ କାମ ଏଵ
ସଦା ତଂ ଗଣେଶଂ ନମାମୋ ଭଜାମଃ ॥ 6 ॥
ୟତୋଽନଂତଶକ୍ତିଃ ସ ଶେଷୋ ବଭୂଵ
ଧରାଧାରଣେଽନେକରୂପେ ଚ ଶକ୍ତଃ ।
ୟତୋଽନେକଧା ସ୍ଵର୍ଗଲୋକା ହି ନାନା
ସଦା ତଂ ଗଣେଶଂ ନମାମୋ ଭଜାମଃ ॥ 7 ॥
ୟତୋ ଵେଦଵାଚୋ ଵିକୁଂଠା ମନୋଭିଃ
ସଦା ନେତି ନେତୀତି ୟତ୍ତା ଗୃଣଂତି ।
ପରବ୍ରହ୍ମରୂପଂ ଚିଦାନଂଦଭୂତଂ
ସଦା ତଂ ଗଣେଶଂ ନମାମୋ ଭଜାମଃ ॥ 8 ॥
ଶ୍ରୀଗଣେଶ ଉଵାଚ ।
ପୁନରୂଚେ ଗଣାଧୀଶଃ ସ୍ତୋତ୍ରମେତତ୍ପଠେନ୍ନରଃ ।
ତ୍ରିସଂଧ୍ୟଂ ତ୍ରିଦିନଂ ତସ୍ୟ ସର୍ଵକାର୍ୟଂ ଭଵିଷ୍ୟତି ॥ 9 ॥
ୟୋ ଜପେଦଷ୍ଟଦିଵସଂ ଶ୍ଲୋକାଷ୍ଟକମିଦଂ ଶୁଭମ୍ ।
ଅଷ୍ଟଵାରଂ ଚତୁର୍ଥ୍ୟାଂ ତୁ ସୋଽଷ୍ଟସିଦ୍ଧୀରଵାପ୍ନୁୟାତ୍ ॥ 10 ॥
ୟଃ ପଠେନ୍ମାସମାତ୍ରଂ ତୁ ଦଶଵାରଂ ଦିନେ ଦିନେ ।
ସ ମୋଚୟେଦ୍ବଂଧଗତଂ ରାଜଵଧ୍ୟଂ ନ ସଂଶୟଃ ॥ 11 ॥
ଵିଦ୍ୟାକାମୋ ଲଭେଦ୍ଵିଦ୍ୟାଂ ପୁତ୍ରାର୍ଥୀ ପୁତ୍ରମାପ୍ନୁୟାତ୍ ।
ଵାଂଛିତାଁଲ୍ଲଭତେ ସର୍ଵାନେକଵିଂଶତିଵାରତଃ ॥ 12 ॥
ୟୋ ଜପେତ୍ପରୟା ଭକ୍ତ୍ୟା ଗଜାନନପରୋ ନରଃ ।
ଏଵମୁକ୍ତ୍ଵା ତତୋ ଦେଵଶ୍ଚାଂତର୍ଧାନଂ ଗତଃ ପ୍ରଭୁଃ ॥ 13 ॥
ଇତି ଶ୍ରୀଗଣେଶପୁରାଣେ ଉପାସନାଖଂଡେ ଶ୍ରୀଗଣେଶାଷ୍ଟକମ୍ ।