ഗണേശ അഷ്ടകമ് | Ganesh Ashtakam In Malayalam
Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.
സര്വേ ഉചുഃ ।
യതോഽനംതശക്തേരനംതാശ്ച ജീവാ
യതോ നിര്ഗുണാദപ്രമേയാ ഗുണാസ്തേ ।
യതോ ഭാതി സര്വം ത്രിധാ ഭേദഭിന്നം
സദാ തം ഗണേശം നമാമോ ഭജാമഃ ॥ 1 ॥
യതശ്ചാവിരാസീജ്ജഗത്സര്വമേത-
-ത്തഥാബ്ജാസനോ വിശ്വഗോ വിശ്വഗോപ്താ ।
തഥേംദ്രാദയോ ദേവസംഘാ മനുഷ്യാഃ
സദാ തം ഗണേശം നമാമോ ഭജാമഃ ॥ 2 ॥
യതോ വഹ്നിഭാനൂ ഭവോ ഭൂര്ജലം ച
യതഃ സാഗരാശ്ചംദ്രമാ വ്യോമ വായുഃ ।
യതഃ സ്ഥാവരാ ജംഗമാ വൃക്ഷസംഘാഃ
സദാ തം ഗണേശം നമാമോ ഭജാമഃ ॥ 3 ॥
യതോ ദാനവാഃ കിന്നരാ യക്ഷസംഘാ
യതശ്ചാരണാ വാരണാഃ ശ്വാപദാശ്ച ।
യതഃ പക്ഷികീടാ യതോ വീരുധശ്ച
സദാ തം ഗണേശം നമാമോ ഭജാമഃ ॥ 4 ॥
യതോ ബുദ്ധിരജ്ഞാനനാശോ മുമുക്ഷോ-
-ര്യതഃ സംപദോ ഭക്തസംതോഷദാഃ സ്യുഃ ।
യതോ വിഘ്നനാശോ യതഃ കാര്യസിദ്ധിഃ
സദാ തം ഗണേശം നമാമോ ഭജാമഃ ॥ 5 ॥
യതഃ പുത്രസംപദ്യതോ വാംഛിതാര്ഥോ
യതോഽഭക്തവിഘ്നാസ്തഥാഽനേകരൂപാഃ ।
യതഃ ശോകമോഹൌ യതഃ കാമ ഏവ
സദാ തം ഗണേശം നമാമോ ഭജാമഃ ॥ 6 ॥
യതോഽനംതശക്തിഃ സ ശേഷോ ബഭൂവ
ധരാധാരണേഽനേകരൂപേ ച ശക്തഃ ।
യതോഽനേകധാ സ്വര്ഗലോകാ ഹി നാനാ
സദാ തം ഗണേശം നമാമോ ഭജാമഃ ॥ 7 ॥
യതോ വേദവാചോ വികുംഠാ മനോഭിഃ
സദാ നേതി നേതീതി യത്താ ഗൃണംതി ।
പരബ്രഹ്മരൂപം ചിദാനംദഭൂതം
സദാ തം ഗണേശം നമാമോ ഭജാമഃ ॥ 8 ॥
ശ്രീഗണേശ ഉവാച ।
പുനരൂചേ ഗണാധീശഃ സ്തോത്രമേതത്പഠേന്നരഃ ।
ത്രിസംധ്യം ത്രിദിനം തസ്യ സര്വകാര്യം ഭവിഷ്യതി ॥ 9 ॥
യോ ജപേദഷ്ടദിവസം ശ്ലോകാഷ്ടകമിദം ശുഭമ് ।
അഷ്ടവാരം ചതുര്ഥ്യാം തു സോഽഷ്ടസിദ്ധീരവാപ്നുയാത് ॥ 10 ॥
യഃ പഠേന്മാസമാത്രം തു ദശവാരം ദിനേ ദിനേ ।
സ മോചയേദ്ബംധഗതം രാജവധ്യം ന സംശയഃ ॥ 11 ॥
വിദ്യാകാമോ ലഭേദ്വിദ്യാം പുത്രാര്ഥീ പുത്രമാപ്നുയാത് ।
വാംഛിതാഁല്ലഭതേ സര്വാനേകവിംശതിവാരതഃ ॥ 12 ॥
യോ ജപേത്പരയാ ഭക്ത്യാ ഗജാനനപരോ നരഃ ।
ഏവമുക്ത്വാ തതോ ദേവശ്ചാംതര്ധാനം ഗതഃ പ്രഭുഃ ॥ 13 ॥
ഇതി ശ്രീഗണേശപുരാണേ ഉപാസനാഖംഡേ ശ്രീഗണേശാഷ്ടകമ് ।