Venu Gopala Ashtakam In English

Also Read This In:- Bengali, Gujarati, Hindi, Kannada, Marathi, Malayalam, Odia, Punjabi, Sanskrit, Tamil, Telugu.

kalitakanakachēlaṃ khaṇḍitāpatkuchēlaṃ
gaḻadhṛtavanamālaṃ garvitārātikālam ।
kalimalaharaśīlaṃ kāntidhūtēndranīlaṃ
vinamadavanaśīlaṃ vēṇugōpālamīḍē ॥ 1 ॥

vrajayuvativilōlaṃ vandanānandalōlaṃ
karadhṛtaguruśailaṃ kañjagarbhādipālam ।
abhimataphaladānaṃ śrījitāmartyasālaṃ
vinamadavanaśīlaṃ vēṇugōpālamīḍē ॥ 2 ॥

ghanatarakaruṇāśrīkalpavallyālavālaṃ
kalaśajaladhikanyāmōdakaśrīkapōlam ।
pluṣitavinatalōkānantaduṣkarmatūlaṃ
vinamadavanaśīlaṃ vēṇugōpālamīḍē ॥ 3 ॥

śubhadasuguṇajālaṃ sūrilōkānukūlaṃ
ditijatatikarālaṃ divyadārāyitēlam ।
mṛdumadhuravachaḥśrī dūritaśrīrasālaṃ
vinamadavanaśīlaṃ vēṇugōpālamīḍē ॥ 4 ॥

mṛgamadatilakaśrīmēdurasvīyaphālaṃ
jagadudayalayasthityātmakātmīyakhēlam ।
sakalamunijanāḻīmānasāntarmarāḻaṃ
vinamadavanaśīlaṃ vēṇugōpālamīḍē ॥ 5 ॥

asuraharaṇakhēlanaṃ nandakōtkṣēpalīlaṃ
vilasitaśarakālaṃ viśvapūrṇāntarāḻam ।
śuchiruchirayaśaśśrīdhikkṛta śrīmṛṇālaṃ
vinamadavanaśīlaṃ vēṇugōpālamīḍē ॥ 6 ॥

svaparicharaṇalabdha śrīdharāśādhipālaṃ
svamahimalavalīlājātavidhyaṇḍagōḻam ।
gurutarabhavaduḥkhānīka vāḥpūrakūlaṃ
vinamadavanaśīlaṃ vēṇugōpālamīḍē ॥ 7 ॥

charaṇakamalaśōbhāpālita śrīpravāḻaṃ
sakalasukṛtirakṣādakṣakāruṇya hēlam ।
ruchivijitatamālaṃ rukmiṇīpuṇyamūlaṃ
vinamadavanaśīlaṃ vēṇugōpālamīḍē ॥ 8 ॥

śrīvēṇugōpāla kṛpālavālāṃ
śrīrukmiṇīlōlasuvarṇachēlām ।
kṛtiṃ mama tvaṃ kṛpayā gṛhītvā
srajaṃ yathā māṃ kuru duḥkhadūram ॥ 9 ॥

iti śrī vēṇugōpālāṣṭakam ।