Sanwara Jab Mere Sath Hai Bhajan In English

Also Read This In:- Hindi.

Sanwara Jab Mere Sath Hai,
Humko Darne Ki Kya Baat Hai ।
Iske Rahte Koi Kuch Kahe,
Bolo Kiski Yah Aukat Hai ॥
Chhaye Kali Ghatae to Kya,
Iski Chhatri Ke Niche Hoon Main ।
Aage Aage Yah Chalta Mere,
Mere Malik Ke Pichhe Ham Main ।
Isne Pakda Mera Haath Hai,
Mujhko Darne Ki Kya Baat Hai ॥

Iski Mahima Ka Varnan Karoo,
Meri Vani Mein Vo Dam Nahin ।
Jab Se Iska Sahara Mila
Phir Satae Koi Gam Nahin ।
Baba Karta Karamat Hai
Humko Darne Ki Kya Baat Hai ॥

Kyon Main Bhatku Yahan Se Wahaan
Iske Charnon Mein Hai Baithna ।
Jhoothe Swarth Ke Rishte Sabhi,
Kahna Se Hai Rishta Bana ।
Ye Karta Mulakat Hai,
Humko Darne Ki Kya Baat Hai ॥

Jahan Anad Ki Lagti Jhadi,
Aisi Mahafil Sajata Hai Ye ।
‘binnu’ Kyon Na Deewana Bane,
Aise Jalve Dikhata Hai Ye ।
Dil Churane Mein Bikhyat Hai,
Humko Darne Ki Kya Baat Hai ॥