Pujniya Prabhu Hamare Hawan Prarthana In English

Also Read This In:- Hindi

Poojaniy Prabho Hamare,
Bhav Ujjawal Keejiye ।
Chhod Deven Chhal Kapat Ko,
Manasik Bal Deejiye ॥1॥
Ved Kee Bolen Rchaen,
Saty Ko Dhaaran Karen ।
Harsh Mein Ho Magna Sare,
Shok-sagar Se Taren ॥2॥

Ashvmedhadik Rachayen,
Yagya Par-upakar Ko ।
Dharman- Maryada Chalakar,
Laabh Den Sansar Ko ॥3॥

Nity Shraddha-bhakti Se,
Yagyadi Ham Karate Rahen ।
Rog-peedit Vishwa Ke,
Santap Sab Haraten Rahen ॥4॥

Bhavana Mit Jaye Man Se,
Pap Atyachar Ki ।
Kamanaen Poorn Howen,
Yagy Se Nar-nari Ki ॥5॥

Labhakari Ho Havan,
Har Jeevadhari Ke Lie ।
Vayu Jal Sarvatr Hon,
Shubh Gandh Ko Dharan Kiye ॥6॥

Svarth-bhav Mite Hamara,
Prem-path Vistar Ho ।
Idan-na-mam Ka Sarthak,
Pratyek Mein Vayavahar Ho ॥7॥

Premaras Mein Magna Hokar,
Vandana Ham Kar Rahe ।
Nath Karunaroop! Karuna,
Apaki Sab Par Rahe ॥8॥