ধর্মশাস্তা স্তোত্রম্ | Dharma Shasta Bhujanga Stotram In Bengali

Also Read This In:- English, Gujarati, Hindi, Kannada, Malayalam, Marathi, Odia, Punjabi, Sanskrit, Tamil, Telugu.

শ্রিতানংদ চিংতামণি শ্রীনিবাসং
সদা সচ্চিদানংদ পূর্ণপ্রকাশম্ ।
উদারং সুদারং সুরাধারমীশং
পরং জ্যোতিরূপং ভজে ভূতনাথম্ ॥ 1

বিভুং বেদবেদাংতবেদ্যং বরিষ্ঠং
বিভূতিপ্রদং বিশ্রুতং ব্রহ্মনিষ্ঠম্ ।
বিভাস্বত্প্রভাবপ্রভং পুষ্কলেষ্টং
পরং জ্যোতিরূপং ভজে ভূতনাথম্ ॥ 2

পরিত্রাণদক্ষং পরব্রহ্মসূত্রং
স্ফুরচ্চারুগাত্রং ভবধ্বাংতমিত্রম্ ।
পরং প্রেমপাত্রং পবিত্রং বিচিত্রং
পরং জ্যোতিরূপং ভজে ভূতনাথম্ ॥ 3

পরেশং প্রভুং পূর্ণকারুণ্যরূপং
গিরীশাধিপীঠোজ্জ্বলচ্চারুদীপম্ ।
সুরেশাদিসংসেবিতং সুপ্রতাপং
পরং জ্যোতিরূপং ভজে ভূতনাথম্ ॥ 4

হরীশানসংযুক্তশক্ত্যেকবীরং
কিরাতাবতারং কৃপাপাংগপূরম্ ।
কিরীটাবতংসোজ্জ্বলত্ পিংছভারং
পরং জ্যোতিরূপং ভজে ভূতনাথম্ ॥ 5

গুরুং পূর্ণলাবণ্যপাদাদিকেশং
গরীযং মহাকোটিসূর্যপ্রকাশম্ ।
করাংভোরুহন্যস্তবেত্রং সুরেশং
পরং জ্যোতিরূপং ভজে ভূতনাথম্ ॥ 6

মহাযোগপীঠে জ্বলংতং মহাংতং
মহাবাক্যসারোপদেশং সুশাংতম্ ।
মহর্ষিপ্রহর্ষপ্রদং জ্ঞানকংদং
পরং জ্যোতিরূপং ভজে ভূতনাথম্ ॥ 7

মহারণ্যমন্মানসাংতর্নিবাসান্
অহংকারদুর্বারহিং‍স্রা মৃগাদীন্ ।
হরংতং কিরাতাবতারং চরংতং [নিহংতং]
পরং জ্যোতিরূপং ভজে ভূতনাথম্ ॥ 8

পৃথিব্যাদিভূত প্রপংচাংতরস্থং
পৃথগ্ভূতচৈতন্যজন্যং প্রশস্তম্ ।
প্রধানং প্রমাণং পুরাণপ্রসিদ্ধং
পরং জ্যোতিরূপং ভজে ভূতনাথম্ ॥ 9

জগজ্জীবনং পাবনং ভাবনীযং
জগদ্ব্যাপকং দীপকং মোহনীযম্ ।
সুখাধারমাধারভূতং তুরীযং
পরং জ্যোতিরূপং ভজে ভূতনাথম্ ॥ 10

ইহামুত্র সত্সৌখ্যসংপন্নিধানং
মহদ্যোনিমব্যাহতাত্মাভিধানম্ ।
অহঃ পুংডরীকাননং দীপ্যমানং
পরং জ্যোতিরূপং ভজে ভূতনাথম্ ॥ 11

ত্রিকালস্থিতং সুস্থিরং জ্ঞানসংস্থং
ত্রিধাম ত্রিমূর্ত্যাত্মকং ব্রহ্মসংস্থম্ ।
ত্রযীমূর্তিমার্তিচ্ছিদং শক্তিযুক্তং
পরং জ্যোতিরূপং ভজে ভূতনাথম্ ॥ 12

ইডাং পিংগলাং সত্সুষুম্নাং বিশংতং
স্ফুটং ব্রহ্মরংধ্র স্বতংত্রং সুশাংতম্ ।
দৃঢং নিত্য নির্বাণমুদ্ভাসযংতং
পরং জ্যোতিরূপং ভজে ভূতনাথম্ ॥ 13

অণুব্রহ্মপর্যংত জীবৈক্যবিংবং
গুণাকারমত্যংতভক্তানুকংপম্ ।
অনর্ঘং শুভোদর্কমাত্মাবলংবং
পরং জ্যোতিরূপং ভজে ভূতনাথম্ ॥ 14

ইতি ধর্মশাস্তা ভুজংগ স্তোত্রম্ ।