ଶ୍ରୀ ରୁଦ୍ରଂ ଲଘୁନ୍ୟାସମ୍ | Rudra Lingashtakam In Odia

Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.

ଓଂ ଅଥାତ୍ମାନଗ୍​ମ୍ ଶିଵାତ୍ମାନଗ୍ ଶ୍ରୀ ରୁଦ୍ରରୂପଂ ଧ୍ୟାୟେତ୍ ॥

ଶୁଦ୍ଧସ୍ଫଟିକ ସଂକାଶଂ ତ୍ରିନେତ୍ରଂ ପଂଚ ଵକ୍ତ୍ରକମ୍ ।
ଗଂଗାଧରଂ ଦଶଭୁଜଂ ସର୍ଵାଭରଣ ଭୂଷିତମ୍ ॥

ନୀଲଗ୍ରୀଵଂ ଶଶାଂକାଂକଂ ନାଗ ୟଜ୍ଞୋପ ଵୀତିନମ୍ ।
ଵ୍ୟାଘ୍ର ଚର୍ମୋତ୍ତରୀୟଂ ଚ ଵରେଣ୍ୟମଭୟ ପ୍ରଦମ୍ ॥

କମଂଡଲ୍-ଵକ୍ଷ ସୂତ୍ରାଣାଂ ଧାରିଣଂ ଶୂଲପାଣିନମ୍ ।
ଜ୍ଵଲଂତଂ ପିଂଗଳଜଟା ଶିଖା ମୁଦ୍ଦ୍ୟୋତ ଧାରିଣମ୍ ॥

ଵୃଷ ସ୍କଂଧ ସମାରୂଢଂ ଉମା ଦେହାର୍ଥ ଧାରିଣମ୍ ।
ଅମୃତେନାପ୍ଲୁତଂ ଶାଂତଂ ଦିଵ୍ୟଭୋଗ ସମନ୍ଵିତମ୍ ॥

ଦିଗ୍ଦେଵତା ସମାୟୁକ୍ତଂ ସୁରାସୁର ନମସ୍କୃତମ୍ ।
ନିତ୍ୟଂ ଚ ଶାଶ୍ଵତଂ ଶୁଦ୍ଧଂ ଧ୍ରୁଵ-ମକ୍ଷର-ମଵ୍ୟୟମ୍ ।
ସର୍ଵ ଵ୍ୟାପିନ-ମୀଶାନଂ ରୁଦ୍ରଂ-ଵୈଁ ଵିଶ୍ଵରୂପିଣମ୍ ।
ଏଵଂ ଧ୍ୟାତ୍ଵା ଦ୍ଵିଜଃ ସମ୍ୟକ୍ ତତୋ ୟଜନମାରଭେତ୍ ॥

ଅଥାତୋ ରୁଦ୍ର ସ୍ନାନାର୍ଚନାଭିଷେକ ଵିଧିଂ-ଵ୍ୟାଁ᳚କ୍ଷ୍ୟାସ୍ୟାମଃ । ଆଦିତ ଏଵ ତୀର୍ଥେ ସ୍ନାତ୍ଵା ଉଦେତ୍ୟ ଶୁଚିଃ ପ୍ରୟତୋ ବ୍ରହ୍ମଚାରୀ ଶୁକ୍ଲଵାସା ଦେଵାଭିମୁଖଃ ସ୍ଥିତ୍ଵା ଆତ୍ମନି ଦେଵତାଃ ସ୍ଥାପୟେତ୍ ॥

ପ୍ରଜନନେ ବ୍ରହ୍ମା ତିଷ୍ଠତୁ । ପାଦୟୋ-ର୍ଵିଷ୍ଣୁସ୍ତିଷ୍ଠତୁ । ହସ୍ତୟୋ-ର୍​ହରସ୍ତିଷ୍ଠତୁ । ବାହ୍ଵୋରିଂଦ୍ରସ୍ତିଷ୍ଟତୁ । ଜଠରେଽଅଗ୍ନିସ୍ତିଷ୍ଠତୁ । ହୃଦ॑ୟେ ଶିଵସ୍ତିଷ୍ଠତୁ । କଂଠେ ଵସଵସ୍ତିଷ୍ଠଂତୁ । ଵକ୍ତ୍ରେ ସରସ୍ଵତୀ ତିଷ୍ଠତୁ । ନାସିକୟୋ-ର୍ଵାୟୁସ୍ତିଷ୍ଠତୁ । ନୟନୟୋ-ଶ୍ଚଂଦ୍ରାଦିତ୍ୟୌ ତିଷ୍ଟେତାମ୍ । କର୍ଣୟୋରଶ୍ଵିନୌ ତିଷ୍ଟେତାମ୍ । ଲଲାଟେ ରୁଦ୍ରାସ୍ତିଷ୍ଠଂତୁ । ମୂର୍ଥ୍ନ୍ୟାଦିତ୍ୟାସ୍ତିଷ୍ଠଂତୁ । ଶିରସି ମହାଦେଵସ୍ତିଷ୍ଠତୁ । ଶିଖାୟାଂ-ଵାଁମଦେଵାସ୍ତିଷ୍ଠତୁ । ପୃଷ୍ଠେ ପିନାକୀ ତିଷ୍ଠତୁ । ପୁରତଃ ଶୂଲୀ ତିଷ୍ଠତୁ । ପାର୍​ଶ୍ଵୟୋଃ ଶିଵାଶଂକରୌ ତିଷ୍ଠେତାମ୍ । ସର୍ଵତୋ ଵାୟୁସ୍ତିଷ୍ଠତୁ । ତତୋ ବହିଃ ସର୍ଵତୋଽଗ୍ନି-ର୍ଜ୍ଵାଲାମାଲା-ପରିଵୃତସ୍ତିଷ୍ଠତୁ । ସର୍ଵେଷ୍ଵଂଗେଷୁ ସର୍ଵା ଦେଵତା ୟଥାସ୍ଥାନଂ ତିଷ୍ଠଂତୁ । ମାଗ୍​ମ୍ ରକ୍ଷଂତୁ ।

ଅ॒ଗ୍ନିର୍ମେ॑ ଵା॒ଚି ଶ୍ରି॒ତଃ । ଵାଘୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ଵା॒ୟୁର୍ମେ᳚ ପ୍ରା॒ଣେ ଶ୍ରି॒ତଃ । ପ୍ରା॒ଣୋ ହୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ସୂର୍ୟୋ॑ ମେ॒ ଚକ୍ଷୁଷି ଶ୍ରି॒ତଃ । ଚକ୍ଷୁ॒ର୍​ହୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ଚଂ॒ଦ୍ରମା॑ ମେ॒ ମନ॑ସି ଶ୍ରି॒ତଃ । ମନୋ॒ ହୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ଦିଶୋ॑ ମେ॒ ଶ୍ରୋତ୍ରେ᳚ ଶ୍ରି॒ତାଃ । ଶ୍ରୋତ୍ର॒ଗ୍​ମ୍॒ ହୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ଆପୋମେ॒ ରେତସି ଶ୍ରି॒ତାଃ । ରେତୋ ହୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ପୃ॒ଥି॒ଵୀ ମେ॒ ଶରୀ॑ରେ ଶ୍ରି॒ତା । ଶରୀ॑ର॒ଗ୍​ମ୍॒ ହୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ଓ॒ଷ॒ଧି॒ ଵ॒ନ॒ସ୍ପତୟୋ॑ ମେ॒ ଲୋମ॑ସୁ ଶ୍ରି॒ତାଃ । ଲୋମା॑ନି॒ ହୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ଇଂଦ୍ରୋ॑ ମେ॒ ବଲେ᳚ ଶ୍ରି॒ତଃ । ବଲ॒ଗ୍​ମ୍॒ ହୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ପ॒ର୍ଜନ୍ୟୋ॑ ମେ॒ ମୂ॒ର୍ଦ୍ନି ଶ୍ରି॒ତଃ । ମୂ॒ର୍ଧା ହୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ଈଶା॑ନୋ ମେ॒ ମ॒ନ୍ୟୌ ଶ୍ରି॒ତଃ । ମ॒ନ୍ୟୁର୍​ହୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ଆ॒ତ୍ମା ମ॑ ଆ॒ତ୍ମନି॑ ଶ୍ରି॒ତଃ । ଆ॒ତ୍ମା ହୃଦ॑ୟେ । ହୃଦ॑ୟଂ॒ ମୟି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ପୁନ॑ର୍ମ ଆ॒ତ୍ମା ପୁନ॒ରାୟୁ॒ ରାଗା᳚ତ୍ । ପୁନଃ॑ ପ୍ରା॒ଣଃ ପୁନ॒ରାକୂ॑ତ॒ମାଗା᳚ତ୍ । ଵୈ॒ଶ୍ଵା॒ନ॒ରୋ ର॒ଶ୍ମିଭି॑ର୍ଵାଵୃଧା॒ନଃ । ଅଂ॒ତସ୍ତି॑ଷ୍ଠ॒ତ୍ଵମୃତ॑ସ୍ୟ ଗୋ॒ପାଃ ॥

ଅସ୍ୟ ଶ୍ରୀ ରୁଦ୍ରାଧ୍ୟାୟ ପ୍ରଶ୍ନ ମହାମଂତ୍ରସ୍ୟ, ଅଘୋର ଋଷିଃ, ଅନୁଷ୍ଟୁପ୍ ଛଂଦଃ, ସଂକର୍​ଷଣ ମୂର୍ତି ସ୍ଵରୂପୋ ୟୋଽସାଵାଦିତ୍ୟଃ ପରମପୁରୁଷଃ ସ ଏଷ ରୁଦ୍ରୋ ଦେଵତା । ନମଃ ଶିଵାୟେତି ବୀଜମ୍ । ଶିଵତରାୟେତି ଶକ୍ତିଃ । ମହାଦେଵାୟେତି କୀଲକମ୍ । ଶ୍ରୀ ସାଂବ ସଦାଶିଵ ପ୍ରସାଦ ସିଦ୍ଧ୍ୟର୍ଥେ ଜପେ ଵିନିୟୋଗଃ ॥

ଓଂ ଅଗ୍ନିହୋତ୍ରାତ୍ମନେ ଅଂଗୁଷ୍ଠାଭ୍ୟାଂ ନମଃ । ଦର୍​ଶପୂର୍ଣ ମାସାତ୍ମନେ ତର୍ଜନୀଭ୍ୟାଂ ନମଃ । ଚାତୁର୍-ମାସ୍ୟାତ୍ମନେ ମଧ୍ୟମାଭ୍ୟାଂ ନମଃ । ନିରୂଢ ପଶୁବଂଧାତ୍ମନେ ଅନାମିକାଭ୍ୟାଂ ନମଃ । ଜ୍ୟୋତିଷ୍ଟୋମାତ୍ମନେ କନିଷ୍ଠିକାଭ୍ୟାଂ ନମଃ । ସର୍ଵକ୍ରତ୍ଵାତ୍ମନେ କରତଲ କରପୃଷ୍ଠାଭ୍ୟାଂ ନମଃ ॥

ଅଗ୍ନିହୋତ୍ରାତ୍ମନେ ହୃଦୟାୟ ନମଃ । ଦର୍​ଶପୂର୍ଣ ମାସାତ୍ମନେ ଶିରସେ ସ୍ଵାହା । ଚାତୁର୍ମାସ୍ୟାତ୍ମନେ ଶିଖାୟୈ ଵଷଟ୍ । ନିରୂଢ ପଶୁବଂଧାତ୍ମନେ କଵଚାୟ ହୁମ୍ । ଜ୍ୟୋତିଷ୍ଟୋମାତ୍ମନେ ନେତ୍ରତ୍ରୟାୟ ଵୌଷଟ୍ । ସର୍ଵକ୍ରତ୍ଵାତ୍ମନେ ଅସ୍ତ୍ରାୟଫଟ୍ । ଭୂର୍ଭୁଵସ୍ସୁଵରୋମିତି ଦିଗ୍ବଂଧଃ ॥

ଧ୍ୟାନଂ

ଆପାତାଳ-ନଭଃସ୍ଥଲାଂତ-ଭୁଵନ-ବ୍ରହ୍ମାଂଡ-ମାଵିସ୍ଫୁରତ୍-
ଜ୍ୟୋତିଃ ସ୍ଫାଟିକ-ଲିଂଗ-ମୌଳି-ଵିଲସତ୍-ପୂର୍ଣେଂଦୁ-ଵାଂତାମୃତୈଃ ।
ଅସ୍ତୋକାପ୍ଲୁତ-ମେକ-ମୀଶ-ମନିଶଂ ରୁଦ୍ରାନୁ-ଵାକାଂଜପନ୍
ଧ୍ୟାୟେ-ଦୀପ୍ସିତ-ସିଦ୍ଧୟେ ଧ୍ରୁଵପଦଂ-ଵିଁପ୍ରୋଽଭିଷିଂଚେ-ଚ୍ଚିଵମ୍ ॥

ବ୍ରହ୍ମାଂଡ ଵ୍ୟାପ୍ତଦେହା ଭସିତ ହିମରୁଚା ଭାସମାନା ଭୁଜଂଗୈଃ
କଂଠେ କାଲାଃ କପର୍ଦାଃ କଲିତ-ଶଶିକଲା-ଶ୍ଚଂଡ କୋଦଂଡ ହସ୍ତାଃ ।
ତ୍ର୍ୟକ୍ଷା ରୁଦ୍ରାକ୍ଷମାଲାଃ ପ୍ରକଟିତଵିଭଵାଃ ଶାଂଭଵା ମୂର୍ତିଭେଦାଃ
ରୁଦ୍ରାଃ ଶ୍ରୀରୁଦ୍ରସୂକ୍ତ-ପ୍ରକଟିତଵିଭଵା ନଃ ପ୍ରୟଚ୍ଚଂତୁ ସୌଖ୍ୟମ୍ ॥

ଓଂ ଗ॒ଣାନାଂ᳚ ତ୍ଵା ଗ॒ଣପ॑ତିଗ୍​ମ୍ ହଵାମହେ କ॒ଵିଂ କ॑ଵୀ॒ନାମୁ॑ପ॒ମଶ୍ର॑ଵସ୍ତମମ୍ । ଜ୍ୟେ॒ଷ୍ଠ॒ରାଜଂ॒ ବ୍ରହ୍ମ॑ଣାଂ ବ୍ରହ୍ମଣସ୍ପଦ॒ ଆ ନଃ॑ ଶୃ॒ଣ୍ଵନ୍ନୂ॒ତିଭି॑ସ୍ସୀଦ॒ ସାଦ॑ନମ୍ ॥ ମହାଗଣପତୟେ॒ ନମଃ ॥

ଶଂ ଚ॑ ମେ॒ ମୟ॑ଶ୍ଚ ମେ ପ୍ରି॒ୟଂ ଚ॑ ମେଽନୁକା॒ମଶ୍ଚ॑ ମେ॒ କାମ॑ଶ୍ଚ ମେ ସୌମନସ॒ଶ୍ଚ॑ ମେ ଭ॒ଦ୍ରଂ ଚ॑ ମେ॒ ଶ୍ରେୟ॑ଶ୍ଚ ମେ॒ ଵସ୍ୟ॑ଶ୍ଚ ମେ॒ ୟଶ॑ଶ୍ଚ ମେ॒ ଭଗ॑ଶ୍ଚ ମେ॒ ଦ୍ରଵି॑ଣଂ ଚ ମେ ୟଂ॒ତା ଚ॑ ମେ ଧ॒ର୍ତା ଚ॑ ମେ॒ କ୍ଷେମ॑ଶ୍ଚ ମେ॒ ଧୃତି॑ଶ୍ଚ ମେ॒ ଵିଶ୍ଵଂ॑ ଚ ମେ॒ ମହ॑ଶ୍ଚ ମେ ସଂ॒​ଵିଁଚ୍ଚ॑ ମେ॒ ଜ୍ଞାତ୍ରଂ॑ ଚ ମେ॒ ସୂଶ୍ଚ॑ ମେ ପ୍ର॒ସୂଶ୍ଚ॑ ମେ॒ ସୀରଂ॑ ଚ ମେ ଲ॒ୟଶ୍ଚ॑ ମ ଋ॒ତଂ ଚ॑ ମେ॒ଽମୃତଂ॑ ଚ ମେଽୟ॒କ୍ଷ୍ମଂ ଚ॒ ମେଽନା॑ମୟଚ୍ଚ ମେ ଜୀ॒ଵାତୁ॑ଶ୍ଚ ମେ ଦୀର୍ଘାୟୁ॒ତ୍ଵଂ ଚ॑ ମେଽନମି॒ତ୍ରଂ ଚ॒ ମେଽଭ॑ୟଂ ଚ ମେ ସୁ॒ଗଂ ଚ॑ ମେ॒ ଶୟ॑ନଂ ଚ ମେ ସୂ॒ଷା ଚ॑ ମେ॒ ସୁ॒ଦିନଂ॑ ଚ ମେ ॥

ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥