ଧର୍ମଶାସ୍ତା ସ୍ତୋତ୍ରମ୍ | Dharma Shasta Bhujanga Stotram In Odia

Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.

ଶ୍ରିତାନଂଦ ଚିଂତାମଣି ଶ୍ରୀନିଵାସଂ
ସଦା ସଚ୍ଚିଦାନଂଦ ପୂର୍ଣପ୍ରକାଶମ୍ ।
ଉଦାରଂ ସୁଦାରଂ ସୁରାଧାରମୀଶଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 1

ଵିଭୁଂ ଵେଦଵେଦାଂତଵେଦ୍ୟଂ ଵରିଷ୍ଠଂ
ଵିଭୂତିପ୍ରଦଂ ଵିଶ୍ରୁତଂ ବ୍ରହ୍ମନିଷ୍ଠମ୍ ।
ଵିଭାସ୍ଵତ୍ପ୍ରଭାଵପ୍ରଭଂ ପୁଷ୍କଲେଷ୍ଟଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 2

ପରିତ୍ରାଣଦକ୍ଷଂ ପରବ୍ରହ୍ମସୂତ୍ରଂ
ସ୍ଫୁରଚ୍ଚାରୁଗାତ୍ରଂ ଭଵଧ୍ଵାଂତମିତ୍ରମ୍ ।
ପରଂ ପ୍ରେମପାତ୍ରଂ ପଵିତ୍ରଂ ଵିଚିତ୍ରଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 3

ପରେଶଂ ପ୍ରଭୁଂ ପୂର୍ଣକାରୁଣ୍ୟରୂପଂ
ଗିରୀଶାଧିପୀଠୋଜ୍ଜ୍ଵଲଚ୍ଚାରୁଦୀପମ୍ ।
ସୁରେଶାଦିସଂସେଵିତଂ ସୁପ୍ରତାପଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 4

ହରୀଶାନସଂୟୁକ୍ତଶକ୍ତ୍ୟେକଵୀରଂ
କିରାତାଵତାରଂ କୃପାପାଂଗପୂରମ୍ ।
କିରୀଟାଵତଂସୋଜ୍ଜ୍ଵଲତ୍ ପିଂଛଭାରଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 5

ଗୁରୁଂ ପୂର୍ଣଲାଵଣ୍ୟପାଦାଦିକେଶଂ
ଗରୀୟଂ ମହାକୋଟିସୂର୍ୟପ୍ରକାଶମ୍ ।
କରାଂଭୋରୁହନ୍ୟସ୍ତଵେତ୍ରଂ ସୁରେଶଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 6

ମହାୟୋଗପୀଠେ ଜ୍ଵଲଂତଂ ମହାଂତଂ
ମହାଵାକ୍ୟସାରୋପଦେଶଂ ସୁଶାଂତମ୍ ।
ମହର୍ଷିପ୍ରହର୍ଷପ୍ରଦଂ ଜ୍ଞାନକଂଦଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 7

ମହାରଣ୍ୟମନ୍ମାନସାଂତର୍ନିଵାସାନ୍
ଅହଂକାରଦୁର୍ଵାରହିଂ‍ସ୍ରା ମୃଗାଦୀନ୍ ।
ହରଂତଂ କିରାତାଵତାରଂ ଚରଂତଂ [ନିହଂତଂ]
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 8

ପୃଥିଵ୍ୟାଦିଭୂତ ପ୍ରପଂଚାଂତରସ୍ଥଂ
ପୃଥଗ୍ଭୂତଚୈତନ୍ୟଜନ୍ୟଂ ପ୍ରଶସ୍ତମ୍ ।
ପ୍ରଧାନଂ ପ୍ରମାଣଂ ପୁରାଣପ୍ରସିଦ୍ଧଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 9

ଜଗଜ୍ଜୀଵନଂ ପାଵନଂ ଭାଵନୀୟଂ
ଜଗଦ୍ଵ୍ୟାପକଂ ଦୀପକଂ ମୋହନୀୟମ୍ ।
ସୁଖାଧାରମାଧାରଭୂତଂ ତୁରୀୟଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 10

ଇହାମୁତ୍ର ସତ୍ସୌଖ୍ୟସଂପନ୍ନିଧାନଂ
ମହଦ୍ୟୋନିମଵ୍ୟାହତାତ୍ମାଭିଧାନମ୍ ।
ଅହଃ ପୁଂଡରୀକାନନଂ ଦୀପ୍ୟମାନଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 11

ତ୍ରିକାଲସ୍ଥିତଂ ସୁସ୍ଥିରଂ ଜ୍ଞାନସଂସ୍ଥଂ
ତ୍ରିଧାମ ତ୍ରିମୂର୍ତ୍ୟାତ୍ମକଂ ବ୍ରହ୍ମସଂସ୍ଥମ୍ ।
ତ୍ରୟୀମୂର୍ତିମାର୍ତିଚ୍ଛିଦଂ ଶକ୍ତିୟୁକ୍ତଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 12

ଇଡାଂ ପିଂଗଳାଂ ସତ୍ସୁଷୁମ୍ନାଂ ଵିଶଂତଂ
ସ୍ଫୁଟଂ ବ୍ରହ୍ମରଂଧ୍ର ସ୍ଵତଂତ୍ରଂ ସୁଶାଂତମ୍ ।
ଦୃଢଂ ନିତ୍ୟ ନିର୍ଵାଣମୁଦ୍ଭାସୟଂତଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 13

ଅଣୁବ୍ରହ୍ମପର୍ୟଂତ ଜୀଵୈକ୍ୟବିଂବଂ
ଗୁଣାକାରମତ୍ୟଂତଭକ୍ତାନୁକଂପମ୍ ।
ଅନର୍ଘଂ ଶୁଭୋଦର୍କମାତ୍ମାଵଲଂବଂ
ପରଂ ଜ୍ୟୋତିରୂପଂ ଭଜେ ଭୂତନାଥମ୍ ॥ 14

ଇତି ଧର୍ମଶାସ୍ତା ଭୁଜଂଗ ସ୍ତୋତ୍ରମ୍ ।