ധര്മശാസ്താ സ്തോത്രമ് | Dharma Shasta Bhujanga Stotram In Malayalam

Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.

ശ്രിതാനംദ ചിംതാമണി ശ്രീനിവാസം
സദാ സച്ചിദാനംദ പൂര്ണപ്രകാശമ് ।
ഉദാരം സുദാരം സുരാധാരമീശം
പരം ജ്യോതിരൂപം ഭജേ ഭൂതനാഥമ് ॥ 1

വിഭും വേദവേദാംതവേദ്യം വരിഷ്ഠം
വിഭൂതിപ്രദം വിശ്രുതം ബ്രഹ്മനിഷ്ഠമ് ।
വിഭാസ്വത്പ്രഭാവപ്രഭം പുഷ്കലേഷ്ടം
പരം ജ്യോതിരൂപം ഭജേ ഭൂതനാഥമ് ॥ 2

പരിത്രാണദക്ഷം പരബ്രഹ്മസൂത്രം
സ്ഫുരച്ചാരുഗാത്രം ഭവധ്വാംതമിത്രമ് ।
പരം പ്രേമപാത്രം പവിത്രം വിചിത്രം
പരം ജ്യോതിരൂപം ഭജേ ഭൂതനാഥമ് ॥ 3

പരേശം പ്രഭും പൂര്ണകാരുണ്യരൂപം
ഗിരീശാധിപീഠോജ്ജ്വലച്ചാരുദീപമ് ।
സുരേശാദിസംസേവിതം സുപ്രതാപം
പരം ജ്യോതിരൂപം ഭജേ ഭൂതനാഥമ് ॥ 4

ഹരീശാനസംയുക്തശക്ത്യേകവീരം
കിരാതാവതാരം കൃപാപാംഗപൂരമ് ।
കിരീടാവതംസോജ്ജ്വലത് പിംഛഭാരം
പരം ജ്യോതിരൂപം ഭജേ ഭൂതനാഥമ് ॥ 5

ഗുരും പൂര്ണലാവണ്യപാദാദികേശം
ഗരീയം മഹാകോടിസൂര്യപ്രകാശമ് ।
കരാംഭോരുഹന്യസ്തവേത്രം സുരേശം
പരം ജ്യോതിരൂപം ഭജേ ഭൂതനാഥമ് ॥ 6

മഹായോഗപീഠേ ജ്വലംതം മഹാംതം
മഹാവാക്യസാരോപദേശം സുശാംതമ് ।
മഹര്ഷിപ്രഹര്ഷപ്രദം ജ്ഞാനകംദം
പരം ജ്യോതിരൂപം ഭജേ ഭൂതനാഥമ് ॥ 7

മഹാരണ്യമന്മാനസാംതര്നിവാസാന്
അഹംകാരദുര്വാരഹിം‍സ്രാ മൃഗാദീന് ।
ഹരംതം കിരാതാവതാരം ചരംതം [നിഹംതം]
പരം ജ്യോതിരൂപം ഭജേ ഭൂതനാഥമ് ॥ 8

പൃഥിവ്യാദിഭൂത പ്രപംചാംതരസ്ഥം
പൃഥഗ്ഭൂതചൈതന്യജന്യം പ്രശസ്തമ് ।
പ്രധാനം പ്രമാണം പുരാണപ്രസിദ്ധം
പരം ജ്യോതിരൂപം ഭജേ ഭൂതനാഥമ് ॥ 9

ജഗജ്ജീവനം പാവനം ഭാവനീയം
ജഗദ്വ്യാപകം ദീപകം മോഹനീയമ് ।
സുഖാധാരമാധാരഭൂതം തുരീയം
പരം ജ്യോതിരൂപം ഭജേ ഭൂതനാഥമ് ॥ 10

ഇഹാമുത്ര സത്സൌഖ്യസംപന്നിധാനം
മഹദ്യോനിമവ്യാഹതാത്മാഭിധാനമ് ।
അഹഃ പുംഡരീകാനനം ദീപ്യമാനം
പരം ജ്യോതിരൂപം ഭജേ ഭൂതനാഥമ് ॥ 11

ത്രികാലസ്ഥിതം സുസ്ഥിരം ജ്ഞാനസംസ്ഥം
ത്രിധാമ ത്രിമൂര്ത്യാത്മകം ബ്രഹ്മസംസ്ഥമ് ।
ത്രയീമൂര്തിമാര്തിച്ഛിദം ശക്തിയുക്തം
പരം ജ്യോതിരൂപം ഭജേ ഭൂതനാഥമ് ॥ 12

ഇഡാം പിംഗലാം സത്സുഷുമ്നാം വിശംതം
സ്ഫുടം ബ്രഹ്മരംധ്ര സ്വതംത്രം സുശാംതമ് ।
ദൃഢം നിത്യ നിര്വാണമുദ്ഭാസയംതം
പരം ജ്യോതിരൂപം ഭജേ ഭൂതനാഥമ് ॥ 13

അണുബ്രഹ്മപര്യംത ജീവൈക്യബിംബം
ഗുണാകാരമത്യംതഭക്താനുകംപമ് ।
അനര്ഘം ശുഭോദര്കമാത്മാവലംബം
പരം ജ്യോതിരൂപം ഭജേ ഭൂതനാഥമ് ॥ 14

ഇതി ധര്മശാസ്താ ഭുജംഗ സ്തോത്രമ് ।