Kartikeya Pragna Vivardhana Stotram In English

Also Read This In:- Bengali, Gujarati, Hindi, Kannada, Marathi, Malayalam, Odia, Punjabi, Sanskrit, Tamil, Telugu.

skanda uvācha ।
yōgīśvarō mahāsēnaḥ kārtikēyō’gninandanaḥ ।
skandaḥ kumāraḥ sēnānīḥ svāmī śaṅkarasambhavaḥ ॥ 1 ॥

gāṅgēyastāmrachūḍaścha brahmachārī śikhidhvajaḥ ।
tārakārirumāputraḥ krauñchāriścha ṣaḍānanaḥ ॥ 2 ॥

śabdabrahmasamudraścha siddhaḥ sārasvatō guhaḥ ।
sanatkumārō bhagavān bhōgamōkṣaphalapradaḥ ॥ 3 ॥

śarajanmā gaṇādhīśapūrvajō muktimārgakṛt ।
sarvāgamapraṇētā cha vāñChitārthapradarśanaḥ ॥ 4 ॥

aṣṭāviṃśatināmāni madīyānīti yaḥ paṭhēt ।
pratyūṣē śraddhayā yuktō mūkō vāchaspatirbhavēt ॥ 5 ॥

mahāmantramayānīti mama nāmānukīrtanam ।
mahāprajñāmavāpnōti nātra kāryā vichāraṇā ॥ 6 ॥

iti śrīrudrayāmalē prajñāvivardhanākhyaṃ śrīmatkārtikēyastōtram ॥